Dhugaattixxa jaalala
1 Manjiinke laagadinni, yookaan ergannatike laagadinni haaso’iinxi dande’a ane’ni hexxeelenna jaalala gophoonole qililisammake sibilshanna, yookaan raaramake bilibilsha kade’eennen. 2 Raaga haaso’atixxa uwwa afeenellenna buqo yaane duuchchanna ege’naa duuchcha ege’noonole, kooba fottosite welebaa sa’issitaaxxa amana afo’oonole jaalala gophoonole kinni ani toliinke. 3 Afeneechcho duuchcha hiyyeeyetee qoodonole, biso anka midde giirate’n gubato’a sa’isennexxi uwwonole, jaalala kinni gophoonole ani toliinken.
4 Jaalala ossita, arjatte, gaabbitaba’a, hollitaba’a ifinna dukaba’a, 5 hassissabaaxxa assitaba’a, umo ifikee calla kaddaaxxa halstaba’a, hifattaba’a, ballees godoba uggudhitaba’a. 6 Jaala dhugaate’n gammaddaa malee’e fuggoxxe’ni gammadaba’a. 7 Jaalala duuchchii wodda ossitaan, duuchchii wodda amnadaan, duuchchii wodda addataan, duuchchii wodda ti’ni hitee urritaan.