1 Qorontoosike Manni'a 7:21-24

21 Ati ye’endettaa wodda garbakemmaa? Kaddoottolenna mee yaadi; leexxa fulatixxa bado alfittatoo wodda kinni eettenne leexxa fula adhdhi. 22 Tinninna kaddeechchi isi garbake kadeenni hedhe’e isi Goottiin darree’ni ye’emeek, Goottik leexxa fulee manjonn; iittanni isi ye’emaa wodda’ni leexxa hedheeke manjon Kiristoosike garban. 23 Magen ha’noo’o hirk hidheen; tennexxe ha’noo manjiink garbuwwa kaddinoqqe’e. 24 Anxe aammaagne dayyuwwaa, mitti mittink manji Magni iso’o ye’ee wodda hedhemaa qicinni Magenki welti hedhowwaal.