1 Hashsha duuchcha taqete'n hedhe'e

eeyyemallo anka yorenne;

yorenne malee kinni alfebo'no.

2 Ke'ennexxi qachchi giddo maro;

lumolla oruwwa'ninna woldeenna weldeenna'n mammarema'n;

Eeyyemallo anka hasannon;

hasennen; yaane kinni isoo afebo'no.

3 Qachchi giddo mammaremma'neek

qachcha heqqaammaki manni anee afe.

Aninna, «Eeyyemallo anka afinee?»

insa'nee hiyyene.

4 Insa'nebaa'n heene qico edi'a sa'enneshshanni

eeyyemallo anka alfenne, abixxenne

Anxe amake mine'n isoo iyyedagannoxxee

godoba anee ba'exxeemmaxxixxe kuta giddo iyyedaganno qico'ni

isoo wocci assebe'no.

5 Tee Iyyerusaalemixxe dubartee

jaalala umo ifingenninni yorte'e kexxaa qico'n

Jaalala lele'missinabaashsha yookaan dammassitinabaashsha

xaaxiinkenninna qiilla gammoojjeke gadansike summinni ha'no kadhatenne.

6 Karbetinna hixaanik

daddaltotixxe qurunfuduwwa duuchchinni qophpheesendeexxe shittoshsha

Isexxi fishshe fa'a hita'neexxi

wiliilletishsha gammoojje qiillinaa'n fulda'nexxi tinni aate ise?*

7 Kunse Solomoonixxi fadhadiinxe gaarre;

ege'nemeeke Isira'eelike ja'laabuwwinaa'n

jaane tomme loliinki manni buqee'naa daga'neen.

8 Insa'ne duuchchiing wolantichcha ka'le'eekenni;

duuchchiing adhe barate'eeken.

Hashshanna buuto ilaanchonna faachcheffatatee

wolaantichcha hidhake'n ka'line'een.

9 Moyanji Solomooni ifi'a fadhadiinxa gaarre giisedhe;

giisedheekinna Libaanoosii'n daggeexxe haqqenniten.

10 Isika utuphuwwanna birretike sibljinni giisse;

isixxa boraatenna worqeti giisse.

Barcumi isikinna baddeessitte haarrenni buqemeeken;

isi giddi kinni Iyyerusaalemixxe dubarte'e

Jaalalati buqemeeken.

11 Tee ha'no Iyyerussaalemmixxe dubartee fulle.

Solomooni kallachcha uggudhdheen uudde;

kunni kallachchinna isi qalbeti yo'oshsha gammadeexxe

Eettene isixxe aadha baro

ama isixxi iso'n uggiteeken.