Atos 16

25 ሽን ግድ ብላሄ ግድያ ዎደ ጳዉሎሳራነ ስላሰራ ዎስሸነ ማዝሙረ የፅሸ ፆሳ ጋላቶሶና። ቃሾ ኬን ደእያ ሀራ አሳትካ ኤንቲ ግያባ ስኦሶና። 26 ቆፖና ቃሾ ኬ ባሶይ ቃፃና ጋካናዉ ቢታ ቃፆይ ሀንስ። ሄ ሳተንካ ፐንገ ኡባይ ዶየትስ፤ ቃሸትዳ አሳ ኡባ ሳንላታይ ብርሸት ዎስ። 27 ቃሾ ኬ ናገይስ ስኮፈ ባርክዳ ዎደ ቃሾ ኬ ፐንገ ኡባይ ዶየትዳይሳ በእድ ቃሾ አሳይ ከስ ኤክ ብዳባ ዳንን ባና ዎናዉ ማሸ ኤክስ። 28 ሽን ጳዉሎስ ቃላ ቁ ኦድ "ኑ ኡባይ ሀይሳን ደእያ ግሾ ኔኒ ነና ቆሆፓ" ያግስ።

29 ቃሾ ኬ ናገይስ ፆምፐ ዎስ ኤክድ ኤለስድ ጋ ዎፅስ። ኮኮርሸ ጳዉሎሳ ስንንነ ስላሰ ስንን ጉፋንስ። 30 ኤንታ ካረ ከስድ፥ "ታ ጎዳቶ፥ ታኒ አታናዉ አይ ኦናዉ በሲ?" ያግስ።

31 ጳዉሎሳራነ ስላሰራ እያኮ፥ "ጎዳ የሱስ ክርስቶሳ አማና፤ ኔራነ ነ ሶ አሳራ አታና" ያግዶሶና። 32 ኤንቲ እያስነ እያ ሶን ደእያ ኡባስ ጎዳ ቃላ ኦድዶሶና። 33 ቃማ ሄ ሳተንካ ቃሾ ኬ ናገይስ ኤንታ ኤፍድ ኤንታ ማዱን ሜጭስ። ኤለስድ ባ ሶ አሳ ኡባራ ፃማቀትስ። 34 ጳዉሎሳነ ስላሰ ባ ሶ ኤፍድ ኤንታዉ ካ አስ። እ ባ ሶ አሳ ኡባራ ፆሳ አማንዳ ግሾ ኡፋይትስ።