Efésios 5

አዝናባነ ማችባ

22 ማቸቶ፥ ጎዳስ ሃረተይሳዳ ህንተ አዝናታስ ሃረትተ።✝5:22 ቆላ 3:18፤ 1 ጰፅ 3:1. 23 ክርስቶስ ዎሳ ኬስ ሁጰ ግደይሳዳ አዝንካ ባ ማቼስ ሁጰ። ቃስ ክርስቶስ ባ አሳተ ግድዳ ዎሳ ኬ አሸይሳ። 24 ሽን ዎሳ ኬይ ክርስቶሳስ ሃረተይሳዳ ማቸት ባንታ አዝናታስ ኡባባን ሃረታናዉ በሴስ።

25 አዝናቶ፥ ክርስቶስ ዎሳ ኬ ዶስድ ባና እዉ እምዳይሳዳ ህንተካ ህንተ ማቸታ ዶስተ።✝5:25 ቆላ 3:19፤ 1 ጰፅ 3:7. 26 እ ዎሳ ኬ ባ ቃላ ባጋራ ሃን ሜጭድ ጌሽስ። 27 ክርስቶስ ዎሳ ኬ ቅት ዎይኮ ሶምኦ ቱስ ዎይኮ ሄሳ መላባይ ባይና እ ኩመ ቦንቹዋራ ጌሽነ ቦረቶናሮ ኦድ ባኮ ሺሻናዉ ኮይድ ሄሳ ኦስ። 28 ሄሳዳካ፥ አዝናት ባንታና ዶሰይሳዳ ባንታ ማቸታ ዶሳናዉ በሴስ። ባ ማችዉ ዶሰይስ ባና ዶሴስ። 29 ባና እፅያ አስ ኦንካ ባዋ፥ ሽን ክርስቶስ ዎሳ ኬስ ኦይሳዳ ባ አሳተ ሙዜስነ ናጌስ። 30 ኑኒ ክርስቶሳ አሳተ ብልተታ።

31 ፆሳ ቃላይ፥ "ሄሳ ግሾ፥ አስ ባ አዋነ ባ አይዉ አግድ፥ ባ ማቸራ እስፈ ዳና፤ ኤንቲ ናምአይካ እስ አሾ ግዳና" ያጌስ።✝5:31 መ 2:24. 32 ሀይስ ግታ ፁራ፥ ሽን ታኒ ሄሳ ክርስቶሳባነ ዎሳ ኬባ ሌምሶ ኦዳ ኦዳይስ። 33 ግዶሽን፥ ህንተ እሶይ እሶይ ህንተ ማቸታ ህንተ፥ ህንተና ዶሰይሳዳ ዶስተ። እስ እስ ማቻ ባ አዝና ቦንቻናዉ በሴስ።