ዉርሰ ዞረ
1 አማንያ አሳዳ እሶይ እሱዋራ ፖሎ ሲቀትተ። 2 እማ ሞከይሳ ዶጎፕተ። እስ እስ አሳት ሄሳዳ ኦሸ ኤሮና ኪታንቾታ ሞክዶሶና።13:2 መ 18:1-8፤ 19:1-3. 3 ቃሾን ደኤይሳታ ህንተካ ኤንታራ እስፈ ቃሾን ደእያዳ ኦድ ኤንታና ቆፕተ። ዋየ ኤክያ አሳራ እስፈ ህንተካ ዋየ ኤክያዳ ኦድ ኤንታና ቆፕተ።
4 ኤኮይነ ገሎይ አሳ ኡባ ማታን ቦንቸትዳባ ግዶ። ቃስ ፆሳይ ላይማተይሳታነ ላመይሳታ ፕርዳናዉ ደእያ ግሾ አዝናይነ ማችያ እሶይ እሱዋስ አማነታናዉ በሴስ።
5 ሚሸ ሲቆፐ ህንተና ናግተ፤ ህንተዉ ደእያባን አልተ። ፆሳይ፥ "ታኒ ነና ኡባራካ የግከ ዎይኮ አግከ" ያግስ።13:5 ዛረ 31:6፥ 8፤ እያ 1:5. 6 ሄሳ ግሾ፥ ኑኒ አማነትድ፥
"ጎዳይ ታና ማደይሳ፤
ታ ያይከ፤ አስ ታና አይ ኦኔ?"
ያጎስ።13:6 ማዝ 118:6.
7 ፆሳ ቃላ ኮይሮ ህንተዉ ኦድዳ ህንተና ካለይሳታ ቆፕተ። ኤንቲ ዋንድ ደእዳኮ ኤንታ ዱሳ በእድ ኤንታ አማኑዋ ካልተ።
8 የሱስ ክርስቶሲ ዝነካ ሀችካ መርናዉካ ላመተና። 9 ዱማ ዱማ ኦራ ትምርተን ሀራሶ ብድ ዮፕተ፤ ቦፕተ። ኑ ዎዛናይ ፆሳ አ ኬሀተን ምናናዉ በሴስፐ አትሽን፥ ምን ጎኦና ካን ዎጋ ፖሎን ግዶፖ።
10 ሽን ዱንካንያ ግዶን ኦያ ካህነት ሄ ያርሾ ካፈ ማናዉ ኤንታዉ ማት ባይና ያርሾ በሳይ ኑስ ደኤስ። 11 ካህነ ሀላቃይ ናጋራ ያርሾስ መሄ ሱ ኤክድ ያርሻናዉ ኡባፈ ጌሻ በሳ ገሌስ። ሽን ሄ መህያ አሹዋ ድርሳፈ ካረን ፁጌስ።13:11 ሌወ 16:27. 12 ሄሳዳካ፥ የሱሲ ደርያ ናጋራፐ ባ ሱን ጌሻናዉ ካታማ ፐንግያፈ ካረን ዋየትስ። 13 ህዛ፥ ኑኒ ቦርያ ቶክድ ድርሳፈ ካረ እያኮ ከዮስ። 14 ህዛ፥ ኑስ ሀይሳን መርናዉ ደእያ ካታም ባዋ፥ ሽን ኑኒ ያና ካታማ ናጎስ።
15 ህዛ፥ የሱሳ ባጋራ ኡባ ዎደ እያ ሱንስ ማርካትያ መተርሻ ጋላታ ያርሾ ፆሳስ እሞስ። 16 ሎኦባ ኦሶነ ህንተዉ ደእያባፐ መቶትዳ አሳስ እሞ ዶጎፕተ። ህዛ፥ ሄሳ መላ ያርሾይ ፆሳ ኡፋይሴስ።
17 ህንተና ካለይሳታስ ኪተትተ፤ ኤንቲ ግያባ ኦተ። ኤንቲ ባንታ ኦያባስ ፆሳ ስንን ኦይሸታናዉ ደእያ ግሾ፥ ህንተና ሄሞሶና። ህንተ ኤንታዉ ኪተትኮ፥ ባንታ ኦሱዋ ኡፋይትድ ኦና፤ ሄስ ሀኖና እፅኮ፥ ኤንቲ አዛንሸ ኦና፤ ሄስ ህንተና አይብባካ ማደና።
18 ኑስ ፆሳ ዎስተ። ኑ ካሀይ ጌሽ፤ ኑ ኡባ ዎደ ሎኦባ ኦናዉ ኮዮስ። 19 ታኒ ህንተኮ ኤለሳዳ ያና መላ ህንተ ታዉ ምንድ ፆሳ ዎሳና መላ ታ ህንተና ሀዳራ ጋይስ።
20 ሳሮተ ፆሳይ፥ ዶርሳ ሄምያ ኑ ጎዳ የሱሳ፥ ባ መርና ጫቆ ሱን ሀይቆፐ ደንዳይስ፥ 21 እያ ሸንያ ኦና መላ ሎኦባ ኡባን እ ህንተና ዳንጭሶ። እያ ኡፋይስያባ የሱስ ክርስቶሳ ባጋራ ኑናን ፆሳይ ኦ። የሱስ ክርስቶሳ ባጋራ ፆሳስ መርናፐ መርና ጋካናዉ ቦንቾይ ግዶ። አምንእ።
22 ታ እሻቶ፥ ታ ሀ ዳብዳብያ ህንተዉ ቃንን ፃፍዳ ግሾ፥ ህንተ ታ ዞርያ ሳለቶና ኤካና መላ ታ ህንተና ዎሳይስ።
23 ኑ እሻይ፥ ፅሞትዮስ ቃሾፐ ብለትዳይሳ ኤርተ። እ ኤለስድ ታኮ ዪኮ ታ እያራ ህንተና ባዳ በአና።
24 ህንተና ካለይሳታነ አማንያ ኡባ ሳሮ ጊተ። ፃለፐ ይዳ አማንያ አሳይ ህንተና ሳሮ ያጎሶና።
25 ፆሳ አ ኬሀተይ ህንተ ኡባራ ግዶ። አምንእ።