1 Tegani, o Adoni-Cedek, o caro taro Jerusalim, šunda kaj o Isus Navin prelija o Aj thaj uništisada le, thaj kaj ćerda e Ajosa thaj lese carosa isto sar so ćerda e Jerihonesa thaj lese carosa, thaj so e manuša taro Givon phanglje mir e Izraelcurencar thaj so bešen paše lende. 2 O Adoni-Cedek thaj leso narodo but darajle golese so o Givon sasa baro foro, sar jekh tare carska forura. Sasa po baro taro Aj thaj sa e murša gothar sesa ratnikura. 3 Golese, o Adoni-Cedek, o caro taro Jerusalim, bičhalda haberi e Xoxamese, e carose taro Hevron, e Piramese, e carose taro Jarmut, e Jafijase, e carose taro Lahiš thaj e Devirese, e carose taro Eglon: 4 "Aven thaj pomožin manđe te čalavav po Givon, golese so phanglja mir e Isusesa e Navinesa thaj e Izraelcurencar." 5 Gija e pandž amorejska carura – o caro taro Jerusalim, taro Hevron, taro Jarmut, taro Lahiš thaj taro Eglon – ćidije pe thaj đele sa e vojskasa, ćerde logori anglo Givon thaj čalade pe leste.

6 Tegani e Givoncura bičhalde haberi e Isusese e Navinese ano logori ano Gilgal: "Ma mukh amen, ćire slugen, korkoren. Sigate av akari thaj spasi amen! Pomoži amenđe, golese so sa e amorejska carura andaro gorje ćidije pe protiv amende."

7 O Isus Navin pojdisada andaro Gilgal sa pe vojskasa thaj e emšukar ratnikurencar. 8 A o GOSPOD vaćarda e Isusese e Navinese: "Ma dara lendar, golese so ka predav len ane ćire vasta. Khoni ni ka šaj tuće te suprostavil pe."

9 O Isus Navin putujisada celo rat dži o Givon, thaj čorale čalada pe lende. 10 O GOSPOD maškare carura e amorejska ćerda pometnja angle jakha e Izraelcurenđe thaj von pobedisade len pašo Givon. Gija jurisade len dromesa dži o Bet-Horon thaj mudarena len sa dži i Azeka thaj i Makeda. 11 Thaj dži kaj von našle angle Izraelcura ko drom taro Bet-Horon tele premal i Azeka, o GOSPOD taro nebo čhudija pe lende bari kukudi thaj pobut mudardile tari goja kukudi nego so mudardile taro mačo e Izraelcurengo.

12 Gova đive kana o GOSPOD dija e Amorejcuren e Izraelcurenđe, o Isus Navin vaćarda e GOSPODESE angle sa e Izraelcura:

"Ačh khama upreder o Givon,

a tu čhona, ačh upreder i dolina Ajalon."

13 Tegani, o kham thaj o čhon ačhile, sa dži kaj o Izraelsko narodo ni osvetisajlo pe dušmanurenđe, gija sar so si pisimo ano Lil e Jašareso.

O kham ačhilo ko maškar e neboso thaj ni crdija pe gothar skoro celo đive. 14 Ni angleder ni pale gova ni sasa gasavo đive, đive kana o GOSPOD ašunda e manuše. Golese so o GOSPOD borisajlo bašo Izrael.

15 Pale gova o Isus Navin thaj sa o Izrael lesa irisajle ano logori ano Gilgal.

16 A dži kaj sasa o maripe, kola pandž carura našle thaj garadile ani pećina paši Makeda.

17 Kana e Isusese e Navinese vaćarde kaj garaven pe ani pećina paši Makeda, 18 vov vaćarda: "Čhuven bare bara ko ulaz tari pećina thaj čhuven manušen te stražarin. 19 A tumen ma ačhen gothe, nego traden tumare dušmanuren thaj čalaven pe lende taro dumo. Ma den len te irin pe ane pe forura, golese so o GOSPOD, tumaro Dol, predija len ane tumare vasta!"

20 O Isus Navin thaj e Izraelcura završisade o maripe gija so ande lenđe baro poraz thaj pobedisade len dži o krajo. Mudarde savoren sem nekoboren save našle ane pire forura saven sesa uče duvara. 21 A sa i izraelsko vojska irisajli sasti thaj džuvdi ko Isus Navin ano logori paši Makeda. Thaj khoni ni vaćarda nijekh lafi protiv e Izraelcura.

22 O Isus Navin vaćarda: "Putren o ulaz e pećinako, ikalen thaj anen kole pandžen caruren mande."

23 Gija ikalde andari pećina e pandže caruren – e caro taro Jerusalim, taro Hevron, taro Jarmut, taro Lahiš thaj e caro taro Eglon.

24 Kana ikalde kole caruren anglo Isus Navin, vov akharda sa e Izraelcuren thaj phenda e šorutne zapovednikurenđe tari vojska save sesa lesa: "Aven thaj ačhen pingrencar ke kora kale carurenđe." Thaj von ćerde gova so phenda lenđe.

25 O Isus Navin vaćarda lenđe: "Ma daran thaj ma obeshrabrin tumen. Aven zurale thaj hrabra! Golese so gija o GOSPOD ka ćerol tumare dušmanurencar savencar ka maren tumen." 26 Tegani o Isus Navin čalada thaj mudarda e caruren thaj umlada len ke pandž kašta, thaj ačhada len te visin dži kaj ni peli i rat.

27 Kana o kham pelo, o Isus Navin vaćarda te uljaren len tare kašta thaj te čhuden len ani pećina kaj garadile. Ko ulaz čhute bare bara, save ačhen i avđive.

28 Ane gova đive o Isus Navin prelija i Makeda thaj e mačosa mudarda sa e manušen gothar thaj lenđe caro. Vov uništisada sa so si džuvdo ane leste. Ni ačhada nijekhe džuvde. E carosa tari Makeda ćerda isto sar so ćerda e carosa taro Jerihon.

29 Pale gova o Isus Navin thaj sa o Izrael lesa, đele andari Makeda ki Livna thaj čalade pe late. 30 O GOSPOD i gova foro thaj lese caro dija e Izraelcurenđe ane vasta. O Isus Navin e mačosa mudarda sa so si džuvdo ane leste. Ni ačhada nijekhe džuvde. A i lenđe carosa ćerda isto sar so ćerda e carosa taro Jerihon.

31 Pale gova o Isus Navin thaj sa e Izraelcura lesa, đele tari Livna ko Lahiš, ćerde logori angle leste thaj čalade pe gova foro. 32 O GOSPOD dija o Lahiš e Izraelcurenđe ane vasta thaj o Isus Navin dujto đive prelija le. E mačosa mudarda sa so si džuvdo ane leste, isto sar ani Livna. 33 Ane gova vreme avilo o Horam, o caro taro Gezer, te pomožil e Lahišese, al o Isus Navin pobedisada i le thaj lese manušen. Ni ačhada nijekhe džuvde.

34 A pale gova o Isus Navin thaj sa o Izrael lesa, đele taro Lahiš ko Eglon. Ćerde logori anglo Eglon thaj čalade pe leste. 35 Prelije gova đive o foro thaj e mačosa mudarde sa e manušen gothar. Uništisade dži o krajo sa so sasa džuvdo ane leste, isto sar ano Lahiš.

36 Pale gova o Isus Navin thaj sa o Izrael lesa, đele taro Eglon ano Hevron, thaj čalade pe leste. 37 Prelije o foro thaj e gava pašo foro thaj e mačosa mudarde e caro thaj sa so si džuvdo ane leste thaj ni ačhada nijekhe džuvde, sar so ćerda ano Eglon. O Isus Navin uništisada o foro thaj sa so si džuvdo ane leste.

38 Pale gova o Isus Navin thaj sa o Izrael lesa pojdisade dži o foro Devir thaj čalade pe leste. 39 Prelije o foro, lese caro thaj e gava pašo foro, thaj e mačosa mudarda savoren. Sa so si džuvdo ane leste uništisada thaj ni ačhada nijekhe džuvde. E Deviresa thaj lese carosa ćerda isto sar so ćerda e Hevronesa, a gija i e Livnasa thaj laće carosa.

40 Gija o Isus Navin pokorisada sa gola thana: o gorje, i pustinja ko jug, e ravnice ko zapad, e doline thaj sa e caruren gothar. Ni ačhada nijekhe džuvde. Uništisada sa so dišil, gija sar so vaćarda lese o GOSPOD, o Dol e Izraeleso. 41 Pokorisada e manušen tari Kadeš-Barna dži i Gaza thaj tare gošenska thana dži o Givon. 42 Sa kale caruren o Isus Navin pobedisada thaj prelija lenđe phuva tari jekh drom, golese so o GOSPOD, o Dol e Izraeleso borisajlo bašo Izrael.

43 Pale gova o Isus Navin thaj sa o Izrael lesa irisajle ano logori ano Gilgal.