Sudije 13

6 Tegani i džuvli đeli ke po rom thaj phenda lese: "Avilo manđe e Devleso manuš. Vov sasa sar o anđelo e Devleso, but daraljem. Ni pučljem le kotar avol, a vov ni phenda manđe po alav. 7 Al phenda manđe kava: ‘Akh, ka ačhe khamni thaj ka bijane čhave. Golese ma te pije ni mol, ni aver zuralo pijipe thaj te ma xa khanči melalo, golese so o čhavo ka avol nazirej, odvojime e Devlese vadži andare dejako vođi, sa dži kana ni merol.’"

8 Tegani o Manoah molisajlo e GOSPODESE vaćarindoj: "Moliv tut, GOSPODE, palem nek avol amenđe kava Devleso manuš save bičhaldan amenđe, te sikavol amen so te ćera e čhavesa savo ka bijandol."