1 Ano vreme kana ano Izrael vadži ni sasa caro, jekh Levito savo bešlo ano jekh durutno than tare Efremese bregura, lija pese romnja-ropkinja andaro Vitlejem ani Juda. 2 Voj jekh drom holajli pe leste, pa ačhada le thaj irisajli ano ćher pe dadeso ano Vitlejem ani Juda. Pale štar čhon, 3 lako rom avilo late sar bi nagovorila la te iril pe. Lesa sesa leso sluga thaj duj hera.

Voj inđarda pe rome andre ano ćher pe dadeso, a kana dikhlja le lako dad, baxtale ađućarda le. 4 O sastro čhuta le te ačhol thaj vov nakhada trin đive leste. Gothe xalje, pilje thaj raćarde. 5 Štarto đive uštile rano ki sabalin thaj o Levito lija te spremil pe te džal.

Tegani leso sastro phenda: "Xa mangro thaj pale gova dža."

6 Gija von duj džene bešle te xan thaj te pijen.

Pale gova leso sastro phenda: "Moliv tut, ačh i erat thaj veseli tut."

7 O Levito već spremisada pe te džal, al leso sastro nagovorisada le, thaj vov ačhilo i goja rat.

8 Kana pandžto đive uštilo rano ki sabalin te džal, leso sastro phenda: "Xa khanči. Ačh dži opašo đive!"

Gija von duj palem xalje.

9 Kana o Levito spremisajlo te džal pe romnjasa-ropkinjasa thaj pe slugasa, leso sastro, lese romnjako-ropkinjaso dad, phenda: "Akh sigate ka perol i rat. Ačh vadži jekh rat. O đive naćhol. Sov kate thaj veseli tut, a theara ušten rano, thaj džan ćhere."

10 Al o Levito ni manglja te ačhol vadži jekh rat, nego spremisajlo thaj đelo pire duje herencar thaj pe romnjasa-ropkinjasa. Resle ano Jevus (so si o Jerusalim). 11 Kana sesa pašo Jevus, lija te perol i rat, pa o sluga phenda pe gospodarese: "Ajde ka iri ane kava foro e Jevusejcurengo te raćara kate."

12 Leso gospodari phenda: "Na, ni ka dža ano foro e abandžijengo kaj ni bešen e Izraelcura. Ka dža dži i Giva." 13 Thaj vadži phenda pe slugase: "Ajde ka dža ke aver than. Ka raćara ani Giva il ani Rama."

14 Gija đele podur. O kham zanakhlo kana sesa paši Giva ani phuv e Venijaminesi, 15 pa đele odori te raćaren. Avile ko trgo e foroso thaj gothe bešle, al khoni ni akharda len ane piro ćher te raćaren.

16 Tegani avilo jekh purano manuš, savo irila pe tari bući taro polje. Vov sasa tare Efremese bregura, al bešola ani Giva sar abandžija, golese so e manuša save bešena gothe sesa e Venijamincura.

17 Kana o purano manuš dikhlja e Levito ko trgo e foroso, pučlja: "Kaj dža thaj kotar ave?"

18 O Levito phenda: "Ava andaro Vitlejem ani Juda thaj dža ano jekh durutno than ane Efremese bregura, kaj me bešav. Sema ano Vitlejem ani Juda thaj akana džav ano GOSPODESO šatori. Al khoni ni akharda man ane piro ćher. 19 Amen, će slugen, isi phus thaj khas baše amare hera, mangro thaj mol manđe, me romnjaće-ropkinjaće thaj me slugase savo si mancar. Khanči ni trubul amen."

20 O purano manuš phenda: "Šukar aviljan. Me ka briniv man baše sa so trubul tumen, samo ma raćaren kate ko trgo."

21 Tegani inđarda len ane piro ćher thaj dija khas lese heren. Von thode pe pingre, pa xalje thaj pilje.

22 Dži kaj von veselisajle, nesave bilačhe manuša tare gova foro okolisade o ćher, pa lije te čalaven ko vudar thaj dije vika e purane manuše kaso si o ćher, vaćarindoj: "Ikal amenđe e manuše savo avilo tuće ano ćher, manga te sova lesa!"

23 O purano manuš iklilo angle lende thaj phenda: "Ma, phralalen! Ma ćeren gasavo bilačhipe! Gova manuš si gosto ane mo ćher. Ma ćeren gasavo dilo bilačhipe! 24 Akh, kate si mi čhej savi vadži ni suta khanikasa, thaj e manušesi romni-ropkinja. Ka ikalav len tumenđe, lencar soven thaj ćeren lencar sa so manđen. Samo ma ćeren kale manušese gasavo dilo bilačhipe."

25 Al e manuša ni manglje te šunen le, pa o Levito lija pe romnja-ropkinja thaj gurisada la avri premal lende. Von sute lasa ki zor thaj zlostavisade la celo rat dži i sabalin. Mukhlje la tek kana lija te ikljol o kham.

26 Kana lija te ikljol o kham, i džuvli irisajli dži o ćher kole manušeso kaj sasa lako rom, peli anglo vudar thaj gothe pašlili sa dži kaj ni đivesajlo. 27 Kana lako rom uštilo sabalje thaj putarda o vudar te bi nastavila o drom, arakhlja pe romnja-ropkinja sar pašljol anglo vudar e vastencar ko prago.

28 Vov phenda laće: "Ušti, pa ka dža."

Al voj ni vaćarda khanči. Tegani vov čhuta la po her thaj đelo ćhere. 29 Kana o Levito reslo ćhere, lija i čhuri thaj čhinda lako telo ke dešuduj (12) kotora, save bičhalda ane sa e riga e Izraelese.

30 Savore save dikhlje kava, phenena: "Gija khanči vadži khoni ni dikhlja thaj ni ćerda, sar e Izraelcura iklile andaro Egipat dži avđive. Trubul tare kava te razmislil pe, te savetujil pe thaj te vaćarol pe."