1 O Avimeleh, o čhavo e Jeruv-Vaaleso, đelo ke pe ujkura ano Sihem thaj vaćarda lenđe i sa pe daće familijaće: 2 "Pučen sa e manušen taro Sihem: ‘So si pošukar tumenđe: te vladin tumencar sa e eftavardeš (70) e Jeruv-Vaalese čhave il samo jekh manuš?’ Den tumen gođi kaj sem me tumaro rat."

3 Kana lese ujkura phende e manušenđe taro Sihem so vaćarda o Avimeleh, e manuša putarde po ilo e Avimelehese, golese so phende: "Vov si amaro phral."

4 Tegani dije e Avimelehe eftavardeš (70) srebrenjakura andaro Vaal-Beriteso hram, a vov gole parencar poćinda nesave bilačhe thaj bezvredna manušen te džan pale leste. 5 Pale gova o Avimeleh đelo ano ćher pe dadeso ani Ofra thaj ko jekh bar mudarda sa pe eftavardeš (70) phralen, e Jeruv-Vaalese čhaven. Ni mudarda samo e Jotame, e Jeruv-Vaalese emterne čhave, golese so garadilo. 6 Tegani sa e manuša taro Sihem thaj taro Bet-Milo ćidije pe pašo baro kaš, kaj sasa o stubo ano Sihem. Gothe čhute e Avimelehe te avol lengo caro.

7 Kana gova phende e Jotamese, vov đelo dži o emučo than ko brego Gerizim thaj dija vika andaro sa o glaso: "Šunen man, manušalen taro Sihem, te bi šunola tumen o Dol!

8 Jekh drom e kašta odlučisade te čhuven pese caro, pa vaćarde e maslinaće: ‘Av amaro caro.’

9 Al i maslina phenda: ‘Dal te ačhav te dav ulje savesa dol pe čast e devlenđe thaj e manušenđe, te bi avola man vlast pe kašta?’

10 Tegani e kašta vaćarde e smokvaće: ‘Ajde, tu av amaro caro.’

11 Al i smokva phenda: ‘Dal te ačhav te anav mingro guglo thaj šukar bijanipe, te bi avola man vlast pe kašta?’

12 E kašta phende e lozaće: ‘Ajde, tu av amaro caro.’

13 Al i loza phenda lenđe: ‘Dal te ačhav te dav terni mol savi veselil e devlen thaj e manušen, te bi avola man vlast pe kašta?’

14 Ko krajo, sa e kašta phende e kangrese: ‘Ajde, tu av amaro caro.’

15 Tegani o kangro vaćarda e kaštenđe: ‘Te čače mangljen te čhuven man te avav tumaro caro, aven garaven tumen ane mingro lado. Al, te ni mangljen, tegani nek andaro kangro ikljol i jag thaj nek phabarol e libanska kedrura.’

16 Dal gija ćerden šukar thaj pošteno kana čhuten e Avimelehe te avol tumaro caro? Dal šukar postupisaden premalo Jeruv-Vaal thaj lese ćherutnencar? Poštujisaden le, gija sar so zaslužil? 17 Mo dad marda pe tumenđe thaj čhuta po džuvdipe ki kocka te bi ikalola tumen tare vasta e Midjancurenđe. 18 Al tumen avđive uštiljen protiv i familija me dadesi, mudarden lese eftavardeš (70) čhaven ko jekh bar, a e Avimelehe, lese robinjaće čhave, čhuten te avol caro pe manuša taro Sihem samo golese so si tumari familija. 19 Te ćerden šukar thaj pošteno premalo Jeruv-Vaal thaj lesi familija, tegani radujin tumen e Avimelehesa thaj vov nek radujil pe tumencar. 20 Al, ako na, nek ikljol i jag andaro Avimeleh thaj nek gutil e manušen taro Sihem thaj taro Bet-Milo, thaj nek andare manuša taro Sihem thaj o Bet-Milo ikljol i jag thaj nek gutil e Avimelehe!"

21 Tegani o Jotam sigate našlo ano Beer, pa odori bešlo golese so darajlo tare po phral o Avimeleh.

22 O Avimeleh vladisada ano Izrael trin berš. 23 Tegani o Dol bičhalda bilačhe duxo te ćerol razdor maškaro Avimeleh thaj e manuša taro Sihem, thaj gija von lije te bunin pe protiv leste. 24 O Dol ćerda gija te bi o mudaripe savo sasa ćerdo pe eftavardeš (70) Jeruv-Vaalese čhave, avola osvetime po Avimeleh, savo mudarda len, thaj pe manuša taro Sihem, save pomožisade le ane gova. 25 Gija e manuša taro Sihem lije te čhuven zasede ke vrhura e bregurenđe thaj te čoren dži jekhe savo bi naćhola gothar. Gova vaćarde e Avimelehese.

26 Tegani o Gaal, o čhavo e Evedeso, avilo pe phralencar te bešol ano Sihem, a e manuša taro Sihem lije te pačan lese. 27 Jekh drom von iklile ko polje, ćidije i drakh thaj gazisade la te bi ćerena mol. Pale gova slavisade ano hram pumare devleso, gothe xalje thaj pilje thaj dije armaja e Avimelehe.

28 O Gaal, o čhavo e Evedeso, phenda: "Ko si gova Avimeleh thaj sose bi amen e Sihemcura služisa lese? Vov si čhavo e Jeruv-Vaaleso, a o Zevul si leso namesniko. Služin e Hamorese potomkurenđe, e Sihemese dadese! Sose bi služisa e Avimelehese? 29 Kana bi kala manuša avena talo mingro vlast, tegani bi crdava e Avimelehe! Me bi phenava lese: ‘Ćide bare vojska thaj iklji te mara amen!’"

30 Kana o Zevul, o upravitelji e foroso, šunda so phenda o Gaal, o čhavo e Evedoso, holajlo, 31 pa čorale bičhalda glasnikuren ko Avimeleh te phenen lese: "Ek, o Gaal, o čhavo e Evedeso, thaj lese phrala avile ano Sihem thaj bunin e manušen protiv tute. 32 Golese, tu će vojskasa av raćasa thaj čhuv zaseda ko polje. 33 Ki sabalin, čim ikljol o kham, ušten rano thaj čalaven po foro. Kana o Gaal ikljol angle tute pe manušencar te napadil tut, ćer lencar sa so manđe."

34 Gija o Avimeleh thaj sa lesi vojska đele raćasa thaj čhute zasede pašo Sihem, ulade ane štar čete. 35 O Gaal, o čhavo e Evedeso, iklilo thaj ačhilo ko ulaz ki kapija e forosi, baš kana o Avimeleh thaj lesi vojska uštile andari zaseda.

36 Kana o Gaal dikhlja len, vaćarda e Zevulese: "Dikh! E manuša uljen tare bregura."

A o Zevul phenda lese: "Gova si senke e bregurenđe, a tuće ćerdol kaj si gova manuša."

37 Al o Gaal palem phenda: "Na, dikh! Nesave manuša uljen tare bregura, a jekh četa avol andaro pravco kaj si o kaš e Čarobnjakoso."

38 Tegani o Zevul phenda: "Kaj si akana ći čhib? Phendan: ‘Ko si o Avimeleh te bi služisa lese?’ Kava si baš goja vojska tare savi mardan muj. Ajde akana, iklji thaj čalav pe lende!"

39 Gija o Gaal iklilo thaj inđarda e manušen taro Sihem thaj napadisada e Avimelehe. 40 Al o Avimeleh lija te tradol e Gaale thaj vov našlja angle leste. But e Gaalese manuša mudardile angli kapija e forosi. 41 O Avimeleh ačhilo te bešol ani Aruma, a o Zevul tradija e Gaale thaj lese phralen andaro Sihem.

42 Theara đive vaćarde e Avimelehese kaj e manuša taro Sihem ikljen ke poljura, 43 thaj vov anda pe vojska, ulada la ke trin čete thaj čhuta zaseda ke poljura. Kana o Avimeleh dikhlja sar e manuša ikljen andaro foro, uštilo thaj čalada pe lende. 44 O Avimeleh thaj lesi četa napadisade o foro thaj ačhile ko ulaz ki kapija e forosi, a kola avera duj čete napadisade e manušen save sesa ko polje, thaj mudarde len. 45 Sa gova đive o Avimeleh napadila o foro dži kaj ni prelija le thaj ni mudarda e manušen ane leste. Pale gova phaglja sa ano foro thaj čhorda lon pe leste.

46 Kana gova šunde e manuša tari Sihemsko Kula, našle ani hramsko tvrđava e devlesi, e El-Beritesi. 47 O Avimeleh šunda kaj sa e manuša tari Sihemsko Kula ćidije pe odori, 48 pa sa pe vojskasa đelo ko brego Calmon.

Odori lija o tover thaj čhinda e raja, čhuta len ko piko thaj naredisada pe vojskaće: "Sigate! Ćeren i tumen gova so dikhljen so me ćerav!"

49 Gija sa i vojska čhinda e raja thaj đeli palo Avimeleh. Tegani e raja čhute paši tvrđava thaj phabarde len katane e manušencar save sesa andre. Gija mudardile sa e manuša tari Sihemsko Kula, paše milja (1 000) murša thaj džuvlja.

50 Pale gova o Avimeleh đelo ano foro Tevec. Angle leste ćerda logori thaj prelija le. 51 Al ano foro sasa zurali kula. Odori našle sa e murša thaj e džuvlja, sa e manuša save sesa ano foro. Von pale peste phanglje o vudar ključosa thaj uklile ko krovo. 52 O Avimeleh đelo dži i kula thaj napadisada la. Al sar avola dži o ulaz ani kula te phabarol la, 53 nesavi džuvli čhudija o mlinsko bar po šoro e Avimeleheso thaj phaglja lesi lobanja.

54 Vov sigate akharda e manuše savo inđarola lese o oružje thaj zapovedisada lese: "Ikal ćo mačo thaj mudar man, te ma bi posle vaćarola pe: ‘I džuvli mudarda le.’"

Gija o manuš pusada le e mačosa thaj o Avimeleh gija mulo.

55 Kana dikhlje e Izraelcura so o Avimeleh mulo, irisajle ćhere.

56 Gija o Dol irisada e Avimelehese baše leso bilačhipe so ćerda pe dadese kana mudarda pe eftavardeš (70) phralen. 57 O Dol ćerda sa o bilačhipe e manušengo taro Sihem te phađol pe lengo šoro. Gija reslja len o harami e Jotameso, o čhavo e Jeruv-Vaaleso.