8 बाक परमेश्वर नूह अदिक आऊन चिकोरगोळ से अंदुन, 9 "केळी, ना नीम सांगुळ अदिक नीम बाद्‍दा जो नीम्‍द वंश ईत्‍तीत, आंदुर सांगुळ भी वादा माळतीन; 10 अदिक जीत्‍ता प्राणीगोळ सांगुळ भी जो नीम सांगुळ आव, येन पक्षी येन मान्‍यागोळोव जनावर येन पृथ्‍वी माकळव सप्‍पा आळी दाकळव जनावर, पृथ्‍वी नव यास जीव जन्‍तु जहाज दा टु होटाव. 11 अदिक ना नीम सांगुळ तान ईद वादा कटतीन कि सप्‍पा प्राणी मात जल-प्रलय सेल नाश आगतीदील: अदिक पृथ्‍वी इन नाश आगोर साटी मात जल-प्रलय आगतीदील." 12 बाक परमेश्वर अंदुन, "जो वादा ना नीम सांगुळ, अदिक यास जीत्‍ता प्राणी नीम सांगुळ आव आ सप्‍पा अन सांगुळ भी युग-युग इन पीढ़ीगोळ साटी कटतीन, अदुर्द ईद चिन्ह आद : 13 ना बादल दा तान धनुष ईटीन, अद नान अदिक पृथ्‍वी इन बीच दा वादा अन चिन्ह आदीत.