1 w ture eDelbe essiywem neč elli emmeHbse felxaĎer n seyyedne, eθedrem elεiyceθ eθwate eddeεweθ elli inebeyawem rebbi tweliys 2 usinc eθkuwnem δ imeθwaDεen w eHnan teSbrem teθHemlem beεDkum s exse, 3 tejθehδem bac e θHafĎem f elweHdeθ elli tusiyδ seg erruwH s esmaH d exse. 4 yelle elbδen iyjen w erruwH icθ, w sahen inebeyawem rebbi bac e θemcerxem g eθmenni iyjen. 5 sidyθum iyjen w elimenewwem iyjen w elmeεmudiyθewwem icθ, 6 yelle erreb deddeθne iyjen yHekkem g leεbaδ elkul, eθeg s leεbaδ elkul w yeqqiym g leεbaδ elkul. 7 emme kul iyjen essiyne eyawi elbey seg enneεmeθ elli eθwate elli yqerre elmesiyH δ eθetuwac, 8 heδake εlac yenne elxθab "max i yyuwli lennej, yiwi lesre egget yuc y leεbaδ elxiyr egget". 9 w meδam yenne 'yuli' meεnahe yeggez qebl y elqeεεeθ. 10 w wahen elli yeggez ennette biyδe elli yuli δenni esmawaθ bac e yεebbe kul ciy, 11 w ennette elli yuce y lebHaD bac e kuwnen δ imersal w lebHaD δ lembiye w lebHaD δimubecren w lebHaD δ essurrah w δ imuεelmen 12 bac e yHeDDer imumnen y elxeδmeθ d elbni n elbδen n elmesiyH, 13 elmi naweD elkulne jemiyε g eliman iyjen d essan n memmis n rebbi. usinc eneδwel δ elbullaγ elmi naweD elkmal elli g yesuwε elmesiyH, 14 bac netqimiyc emidrari ettawi δiyne elmuwjeθ n elmδaheb eldah d eldah usinc exennawyen leεbaδ s elHiyleθ y elxsareθ. 15 yemenni yelzemne enkuwn Sadqiyn g exse bac e naweD g kul ciy y elmesiyH elli nette eyendeγ iyxef, 16 elli δiys eyeTTef elbδen elkul usinc eyelSeq s elmfaSel, w max eyexδem kul iyjen elxeδemtes eyekbar elbδen, tekmel elbenyθes s exse.

17 heδake εlac eDelbe essiywem s ellesm n elmesiyH, eθeθbεemc iweθeniyen elli kefren g elbaTel, 18 w nihnin s elεme n elbSirθensen d eljehlensen d teqsuwHi n ulewnensen δ iγriben f elεiyceθ n rebbi. 19 w max i δwelen meεεeč etferqen jar elli ybhe elli yuwHec, sθeselmen y lenwaε elkul erδiyleθ d eTmeε w elcebεenc.

20 yemenni xenyum elteθεelmemc eTTebiεeθ elmesiyH sah, 21 iδekan tesliym teθεelmem eTTebiεeθ elHqiyqeθ elli g yesuwε. 22 tebεδem f essirθewwem tiglewwelt tedjem elεebδ eqDiym elli fesseδnetti echawi θixeddaεin, 23 eθjededem lerweHewwem d leεqulewwem, 24 teδwlem m elεebδ ejδiyδ elli yexleqθi rebbi m nette g elHeq d elxiyr d exse.

25 heδake εlac yelzemkum eθebεδem f θixerxas, usinc eyuθlay kul iyjen essiywem s elHeq δ iqribnes εlexaTer elkulne δ leεDe elbδen iyjen. 26 w iδekan teθγececem eθeγldemc w eθedjemc eθeggez θefuθ f elγuccewwem 27 w eθedjemc emxan y ecciyĎan. 28 w elli ykan iserreq yelzme eybeTTel seg esserqeθ w yelzem eyexδem s elεerq n eljbines usinc ayeg elxiyr s efuses usinc eyεawen iqelliylen. 29 w eθessufγemc seg imewnewwem elkelmeθ tuHec yemenni kul elkelmeθ δ teSSaleHθ tebhe g elweqθes usinc esθfaδen essis elli esseγδan. 30 w eθγececemc erruwH n rebbi εlexaTer erruwHe exθemewwem as n elfδe. 31 ebεδeθ f eHqaδ d enneqmeθ d elγuc d elεerx d esubbi d lecrar elkul, 32 temsemHem terHmem beεDkum teγfrem y beεDkum emmax i yyeγfer fellawem rebbi s elli yegi elmesiyH y xenyum.