ଫିଲିପ୍ପୀ ଜଇଲ୍ତାଗ୍ ପାଉଲ୍ ନୁ ଶିଲା
16 ଅଣ୍ଡ୍ଦିନ୍ ମାମ୍ମେ ପ୍ରାର୍ତନା ପଡ଼୍ୟେତାଗ୍ ଆଦାନ୍ ୱେଲେ ଅଣ୍ଡୟ୍ କ୍ରୀତଦାସୀ ପିକିଡ଼୍ତିଙ୍କ୍ କାଇଲ୍ତମ୍ । ତାନ୍ ଲୋପେ ମାନ୍ଦାନ୍ ଦେୟାମ୍ତଡ଼୍ ଆଦ୍ ମୁନେଙ୍କ୍ତାୱୁ ଗଟି କେସମାତ୍ତେ । ଆଦ୍ ନାରୁଡ଼ାୱ୍ ବାଗ୍ୟ କେସ୍, ପ୍ରବୁନ୍ ସେଙ୍ଗେ ନାର୍ଗେ ଡାବ୍କ୍ ଗାଡ଼୍ସ ମାତ୍ତେ । 17 ଆଦ୍ ପାଉଲ୍ ନୁ ମା ପେର୍କେ ପେର୍କେ ୱାସ୍ କିଡ଼୍କି କେତ୍ତେ, "ଇ ନାରୁଡ଼୍ ସାରେତିଙ୍କ୍ ବାଡ଼୍ୟଣ୍ଡ୍ ଇଶ୍ୱର୍ତେ ଦାସକୀନଡ଼୍ । ମିଡ଼୍ ବେଲା ପରିତ୍ରାଣ୍ ପାଏମ୍ ଆଦ୍ତିଡ଼୍, ଆଦ୍ ଗଟ୍ ଅଡ଼୍ କେତୁତଡ଼୍ ।" 18 ପିକିଡ଼୍ ନାର୍ଗେ ଦିନାଯାକ ଇଦ୍ରକମ୍ ମାଡ଼୍ତେ । ପେର୍କେ ପାଉଲ୍ କାଡ଼ାମ୍ହାସ୍ ପେର୍କେ ମାଲ୍ସ୍ ଦେୟାମ୍ତିଙ୍କ୍ ଦମକ୍ ଇସ୍ କେତ୍ତଣ୍ଡ୍, "ଜିସୁ କ୍ରିଷ୍ଟନ୍ ପେଦେର୍ତେ ନାନ୍ ଆଦେଶ୍ ଇଦୁତାନ୍, ତାନାଗାଙ୍କ୍ ପେଇସ୍ ଅନ୍," ଆସୁଟେ ସାଙ୍ଗେ ସାଙ୍ଗେ ଦାୟାମ୍ ଆଦିନାଗାଙ୍କ୍ ପେଇସ୍ ଆତ୍ତେ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)