14 ତାନ୍‍ପେର୍କେ ବାଗାତ୍ ଏଗାର୍ ଜାନ୍‍ ପ୍ରେରତ ଶିଷ୍ୟଡ଼୍ ତଡ଼୍ ପିତର୍ ନିଶ୍‍ମିକା ଗାଟି ଲେଙ୍ଗ୍‍ଦେ କେତ୍‍ତଣ୍ଡ୍, ହୋ ଇହୁଦୀ ଦାଦାଲଡ଼ି ନୁ ଏଲାସ୍କିନଡ଼ି ମେଣ୍ଡେ ଯିରୁଶାଲେମ୍‍ତାଗ୍ ବାଦ୍‍କାନ୍ ନାରୁଡ଼୍, ନା ଗଟି କେଞ୍ଜାଟ୍, ନାନ୍ ଇଦିନ୍ ଅର୍ତ ବୁଜାମାଡ଼ି କେତିତାନ୍ । 15 ମିଡ଼୍ ବେଲା ହେର୍କା ମାଡ଼ୁତିଡ଼୍, ଇଡ଼୍‍ ଆଦ୍‍ରକମ୍‍ ମାତାଲ୍‍ ଆୟ୍‍ୟଡ଼୍, ବାତେଙ୍କ୍ଇତ୍‍କେ ଦିନାମ୍ ଇଞ୍ଜେ ନାର୍କକ୍‍ ନଅ ଗାଣ୍ଟା ଆତ୍‍ତେ । 16 ଇତ୍‍କେ ଯୋୟେଲ୍ ବାବବାଦୀ ବେନ୍ ଗଟ୍‍ନା ବିଷୟ୍ କେତ୍‍ତଣ୍ଡ୍, ଇଦ୍ ଆଦ୍ ଗଟ୍‍ନା, 17 "ଇଶ୍ୱର୍ କେତିତଣ୍ଡ୍, ‘ତେରାନ୍‍ ଦିନାତେ ଇୱୁ ସାରେ ଗଟେମ୍ ଆଦ୍‍ତେ, ନାନ୍‍ନେ ସାରେତଡ଼ାଗ୍ ନାୱାଦ୍ ମେନ୍ଦୁଲ୍‍ତିଙ୍କ୍‍ ଆତ୍ମା ବର୍ତ୍ତି ମାଡ଼ିତାନ୍ । ମିଇ ମାର୍‍କ୍ ନୁ ମାୟାସ୍କ୍ ନାୱାଦ୍‍ ସୁସମାଚାର୍‍ କେତିତା । ମିୱଡ଼୍ ଲେୟଡ଼୍ ଦିବ୍ୟ ଦର୍ଶନ୍ ଦର୍‍କିତ୍ ନୁ ବୟସ୍କା ନାରୁଡ଼୍ ସାପ୍ନା ଉଡ଼ିତଡ଼୍ ।