36 ଯୋପାତାଗ୍ ଟାବିଥା ପେଦେର୍ତେ ୱେରଡ଼୍ ବିଶ୍ୱାସୀ ନାଟାଡ଼୍ ବାସେ ମାଡ଼ମାତ୍ତେ । ଆଦିନାଦ୍ ଗ୍ରୀକ୍ ପେଦେର୍ ଦର୍କାସ୍ ଇତ୍କେ ଇଦ୍ ଅର୍ତ "ହରିଣୀ," ମାତ୍ତେ । ଆଦ୍ ତାନାଦ୍ ସାରେ ଦିନାମ୍ ସାୟେକାମ୍ ଦାଗ୍ ନୁ ଗରିବ୍ ନାରୁଡ଼୍କ୍ ସେବା ମାଡ଼ାନାଗ୍ ହିସମାତ୍ତେ । 37 ଆସୁଟେ ରୋଗ୍ ଆସ୍ ଆଦ୍ ଡଲ୍ତେ । ସାଙ୍ଗଡ଼୍ ତାନ୍ ମେନ୍ଦୁଲ୍ତିଙ୍କ୍ ଏର୍ ମିସ୍ସ୍ପି ପରତ୍ ବାକ୍ଡ଼େତାଗ୍ ପାଟ୍ପିସ୍ତଡ଼୍ । 38 ଯୋପ୍ପା ଲୁଦାତ୍ ବକେତ୍ ମାତ୍ତେ । ପିତର୍ ଲୁଦାତାଗ୍ ମିନ୍ଦେଣ୍ଡ୍ ଇଞ୍ଜ କେଞ୍ଜି, ଯୋପାତାଗ୍ ମାନ୍ଦାନ୍ ବିଶ୍ୱାସୀ ଶିଷ୍ୟ ଇର୍ୱୁଡ଼୍ ନାରୁଡ଼୍କ୍ ରହତଡ଼୍, "ଅନୁରଦ୍ ମାଡ଼ୁତମ୍ ସିଟ୍ପାଟ୍ ମା ବକେତ୍ ୱାଡ଼େ ।" 39 ପିତର୍ ତିଆର୍ ଆସ୍ ଅଡ଼୍ତଡ଼୍ ଆତ୍ତଣ୍ଡ୍ । ଆଗେ ଏୱୁତ୍ତେ ସାଙ୍ଗେ ସାଙ୍ଗେ ନାରୁଡ଼୍ ଅଂକିଙ୍କ୍ ପରତ୍ ବାକ୍ଡ଼େତାଗ୍ ଆତ୍ତଡ଼୍ । ଆଗେ ରାଣ୍ଡିକି କେୟି କେୟି ଦର୍କାସ୍ ମାତ୍ତେ ସମୟ୍ତେ ସିଲେୟ୍ ମାଡ଼୍ତେ ଚକା ନୁ ସିଲେ ତଅତ୍ତା ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)