Resultados da busca por "fé"

2Adigl meglko, Jisas ka ebrie mere kaima beke togwa.Ta dugwa i, yegl dugwa,

3Ene prio! Yagl ta kugl mogo i pi suduragledi ede ogwa.

12Na ka ebrie keme dinaglka i, ye kan kan eraiglkwa ba kan pogl sikraiglkwa pre diga. Te, ye pre pre eraiglkwa ba pre pogl sikraiglkwa pre diga. Te, ye nomane kor ibi, God ye tadaglmeno gugl ede dinabedi yegl diwe4.12 Aisaia 6.9-10 dugwa.

8Te, ene mogo mere keglkwa igne, na duglo beglkwa yoba kaima meglkwa. Ene erimara i mina na Nina kagie kade yumiwe dugwa.

16Ene na ta kere ikrikwa ba nana ene kere iga. Ene pi mogo keglbi, aimadi panabedi pre ene kere iga. Na ene kere iga i, na kagna mina ene siragl ta inamnedi Nina di praiglkwa i, tenabuka.

25Ba ye yegl erikwa i, ka ta ye lono mina okna beglkwa i, pai inabuka pre erikwa. Ka i, yegl paugwa, Mem ta paikrumara ye na kide kanigwa.15.25 Giglage 35.19, 69.4

3Te, ene ta pribi, Pol ye God kogonmo kuno ta erekrumiwe di pribi, na ta pre yubun dekraglka. Ene yoba tau bogl Pol kogon kuno erumedi praiglkwa mo kuno erekrumedi praiglkwa i, taragl kebra yogwa. Te, na nana ere mogl, kogon siragl mere erika i pre yubu sidre, Wakai erie dinaglka mo, Kide erie dinaglka i ta ama kuno erekrukwa.

12No nono ogono mina kogon podo kide erumga. Te, yoba no ka kide di norikwa igne, no di ikne ede tekre, no ka wakai keme di tomga. Te, no ere kide ere norikwa igne, no adigl mogl pai munga.

15Na komono kana Krais Jisas kamo wakai yu ene di teigo, ene pre mediglkwa pre na ene neno mere yegl moglka. Okuo yoba mere kide kaima udre, Krais kamo ene beke tebi, wakai panabuka ba ye ene neno mere yegl ta moglkraiglkwa. Na swara ene neno mere yegl moglka.

10Ye pi kamage ere moglsre, ye kidan gogl, kaya mokna nenagledi prukwa. Yegl prukwa ba yoba kaya mokna gaiglkwa i dekruko, Pita sugl moglko, ye gumuglomugl eruko, kanugwa.

38Na ka diga i, Jisas, dumo Nasaret nem moglkwa i, taragl kane kane erukwa pre diga. God ere mogl, Jisas kere i pere ede, ye Murubuglomo tedre, yobuglo togwa. Tedre, ye moglmara ama mogl tedre, eruko, Jisas wan ede bage bage pidre, yoba ere wakai ere tedre, te, Satan yoba tau ake gi di moglsre, ere kide ere togwa i, ye ake wakai ere tomiwe di, yegl dugwa.

40ege suota atne pai moglko, God ye ere i kor edugo, aduglkwa. Ye aduglko, God ama yoba tau ye kanaiglmedi erukwa.

2Te, ene mabunono i, na Godna gumuglo mina kuno erekrukwa. Yoba ta doga ere gaglsre, ugl paugo, eduer suna doga i goginagledi erumere yegl mere, ene mabunono wakai i, ama goginagledi erukwa pre ene adiglsre, ede tau i tebe ede galo!

11Na ede ikne unaglka i, magigl erukwa pre ene na mabunona erikwa i, ake gi di molo. Ake gi di meglbi, yoba swara ta ene praisno i eglke edenaiglkwa i, kuno erekrabuka.

19Ene prio! Na dena muduna teiga yoba i ta aglau erikwa igne, na ye ka tedre, ye ere si di iga. Yegl pre ene nomano yake tedre, na pre di yar edigwa i kide kodo, nigl dogwa mere yegl molo! dugwa.

5Ana yagl ta tadaglme erukwa ikra ye na swara dena muduna ere kide ere narekrukwa ba nono mudu deno muduno ere kide ere norukwa. Ye tadaglmemo i pre ka mere dibo, kide panabuka.

15Te, yoba ede nuglo gaiglkwa igne, ede inge ede mitna omere mere yegl, no Krais kogonmo yoba munga i, ye no i pi God togo, God demene wakai erumedi prukwa mere yegl paugwa.Ana no Krais kamo dumga igne i ede inge mere yegl ede bage bage ome diga i, yoba tau God ere yugwa meglkwa i, ede inge demene erukwa i priko, yoba tau goraiglkwa meglkwa i ama demene erukwa i, prikwa.

17Ene prio! Yoba mere God kamo digwa i, mige moni noraiglmedi prikwa. Ba God ye no kan moglmedi prisre, Krais yobuglomo mina God kamo swara i keme yoba di tenamnedi prumga.

12Mo, ye kodowagle muglo pre dinan, ene ere mogl, buglage kide ta no sugwa i, tenaiglmo? Ta tekraiglkwa.

20Ba ene prio! Na murubuglo kide di meda ediga i, God yobuglomo mina erika pre God ene kingno mogl, suglno morabuka igne i ene meglmara u kodumedi prio! di, Jisas yegl dugwa.

35Yegl pre ene kan kun erio. Kowai ene kaima mim mina moglsre, no munara abuglage sumedi praiglkwa i, i kide panabuka.

1Ana wakan kade ege ta Jisas ye duglo beglkwa yagl bogl wan ede pi yoba kugl mogo ere yaiglmara suna eigwa. Ye ede suna eigo, ye duglo beglkwa yagl kidan gogl, kugl mogo tau ursre, nedre, nedre, ede eigwa.

5Te, ene God lomo kere kankrikwa paugwa. God lomo dumere mere wakan kade ege tawa teigwa yoba God yugumo mina kogono ere pai meglkwa ba ye kogon erimara i, wakan kade lomo ta si biglki dikrikwa.

34Ba ene toki kide mere yegl meglkwa. Ene yoba kide meglkwa pre ene ka wakai ta dinaiglkwa i, kuno ta erekrukwa. I siragl pre siragl taragl yoba ta dem muduo mina kau sugwa i, ye ka dugwa igne ede meda ugwa.

8Te, Josep agiglema ya yobama ya ye nem kidagl nem agiglema ama Josep bogl akie eigwa. Ye mudu eigwa ba ye gagro kebra ya kau ya meme ya sipsip kiglkwa i ta i pikre, dumo Gosen kanige erikwa.

19Yegl digwa ba Josep di ikne ede, yegl dugwa, Ene kudugl goglkrio! Na God moglkrika pre na ene mabuno kide erimara ere ikne ede tekraglka.

20Ene na mabuno kide ere naramnedi prikwa ba God ye taragl wakai ta plau dinabedi kanige erukwa. Taragl wakai ta plau dinabedi prukwa i, nono erme kamga. Yoba mere kide goglkre, kor meglkwa.

9Te, erme obuno dumara i mina yoba nomane inaiglkwa. Tawa ya ofa kane kane teimara i mina ta ake ple di norokrumedi i nogugl edugo, erme tadaglmeno pai moglmedi praiglkwa.

12Te, ye ede yugugl ogwa igne, meme ya kau nagigle ya ki ta bormaino idre, ede yugugl pikrukwa ba ye yene bormaimo mina ede dumo mawagl podo pamara pidre, nono aimadi kamin kor moraiglmedi topo sugwa. Te, ye ege mere ede yugugl pikrukwa ba ege swara kaima ta omara i, nono topo si kodugwa.

22Ana God lomo dumere kuno yegl taragl tau mudu bormai keme ere i wakai edugwa mere yegl pamedi kamga. Te, bormai suru edigo keme God ye tadaglmeno kide kodo togwa.

14Ana nono siragl we dinamne? God ye Abraham gawama tau Israel yoba moraiglmedi kere idre, tau kere ikrukwa i, mabuno kide erume dinamno? Ta manugwa. God ye ege ege mabuno du keme erukwa pre ka kaima yegl ta dikramga.

17Te, God ye yoba ta ere kide ere tenagledi prukwa i, ama ye wagle paugwa. God kamo mina God ye okna ibo Isip kingno yegl di tome dugwa, Na ene king moratnedi kere iga i, na yobuglna ene mina i nogugl edibo, yoba kanibi, na kagna uglo kogl koglo wanabuka i pre kere iwe di, God yegl dume9.17 Isip Kide Kodigwa 9.16 dugwa.

20Makandigle yoba ta ere mogl, God ye ere yogwa i ka tedre, Ene na kide moratnedi beke yeniwe9.20 Aisaia 29.16, 45.9 di, yegl ta dinabuka i, kuno erumo? Kuno ta erekrukwa.

4Ba ye mabuno kide yegl ere tenaiglkwa igne, ene poglo di praiglkwa i, Jisas okna di norumere kra plau dumiwe di, prisre, yage sikraiglkwa pre diga. Na okna akie munga pre dinaglka mem wakai ta paikrukwa ba erme ede enaglka paugwa pre ene di pogl teiwe di, Jisas yegl dugwa.

23Ege okuo i, ene ka kira swara ta na pogl prikraiglkwa ba ene na kagna mina ka siragl mere na Nina di praiglkwa i, ye ene dinaiglmere ere tenabuka. I ka kaima diga.

32Ene prio. Ege ta u kodugwa ene mudu na kide kodo, ede pere pere pi, teke ede ikne yugunomugl ebi, na swara moraglka. Na kodinaiglkwa ba na Nina bogl akie mogl pai morabuglka.

30ene enene ere idre, ede prak kide kodo, ede atne wo! digwa.

33Ana ermine belo mere yegl, dumo magigl i mim mudu ake wai di, pai mogl ogo, ade kwia 3 klok mere yogwa.

42Ana Jisas goglkwa igne i wakan kade tagna yenabuka pre yoba kaya mokna ya nigl, ede ki, ede yugugl ede yeigwa ege yogwa. Ege i yogo, min panagledi eruko,

4God guma dra kanaiglkwa. Te, God kagie ye mabro mina bogl padran, panabuka.

5Igne i, eduer ta yeikran, ermine keme yenabuka. Te, ken lam mo ade ta abuglage sinabuka i, ta paikrabuka. I siragl pre Yagl Kade God yene abuglage si tenabuka. Te, ye niglmo kogonmo yoba i, God bogl aimadi kamin taragl mudu ere yogwa i, bitno mogl, sugl moraiglkwa.

21Nono Yaglno Kade Jisas ene yoko kaima ere wakai ere te pai morabedi prika. Kaima.

4Na ene Korin yoba ege ege poglo di pre, God di wakai yei teiga. I siragl pre God ere mogl, ye Krais Jisas kogon erumara i mina ene ere wakai kaima ere togwa.

5Ye ene ere wakai kaima ere tome diga i, ene ye kogonmo kane kane eraiglmedi nomane ya yobuglo togwa i pre diga. Ye yegl mere ere, ene ere wakai ere togwa pre ene ye kamo mudu pre pogl sidre, yoba di tenaiglkwa i, kuno erukwa.

8Ana nono Yaglno Kade Jisas Krais, ye ene adigl giglede moraiglmedi aimadi kamin yobuglo bogl te pai moglsre, okuo ye ikne unabuka. Ye ikne unabuka igne i God ye ene yoba du meglmedi kandre, ka tage tekrabuka.

6ba ye magigl i ta moglkrukwa. Ene u ye ogo nagie yeimara i, kaniro! Ye okna dumere yegl ere, adigl u kor omiwe dugwa.

7Te, ene tabre pi ye duglo beglkwa yagl yegl di teiro, Jisas goglkwa i, adigl u kor pidre, ede okna pi distrik Galili omiwa. Ene pi distrik Galili ye kanaiglmiwe di, yegl di teiro! Ana ka yegl mere ene di te kodiwe di, angelo i, yegl dugwa.

17Ye pi Jisas kandre, ye kagie kade teigwa. Ba tau ye Jisas kaima moglmo mo di, kinano suo yogwa.

15Yegl didre, ene Jisas, ye kor munga norukwa i, si geglme dugwa. Si geglkwa ba God ye ere i kor edugo, ye adigl u kor ogwa pre no kandre, ene di tobuluwe dugwa.

19Yegl erukwa pre ene nomane kor idre, Jisas no Ere Yugwa Yagle moglmedi pre medilo! dugwa. Ene yegl eribi, God ye ene tadaglmeno gugl ede tenabuka.

20Gugl ede tenan, ye ene bogl akie meglbi, kamin wakai tage ene meglmara tenabiwe dugwa. Kamun wakai tage tenan, Jisas, God no ere inabedi Kere Yugwa Yagl i, dedenan, unabuka.

22Yegl pre ene siragl we di pitne? Nono mige taks Rom king tenamga kuno erumo mo tekramne? digwa.

35ba ege okuo ibo yegl ta paikrabuka. Yoba geglkwa adigl u kor pi God yoba suglno morabara moraiglkwa kuno erikwa meglkwa i, ye ta bogl ikraiglkwa.

36Ye igne i, angelo meglmere mere kuno moglsre, aglke kor dagl ta goglkraiglkwa. God ye adigl u kor enaiglmedi eruko, erme ye God gagiglma kaima mogl kodigwa.

20Te, Jisas ye u tawano togwa yagle moglkwa i, ye kogon i yoko ta ikrukwa ba God ka gigledi ta di paduglmara i mina kogon i yugwa. Livai yoba okna tawa teigwa yoba meglkwa i, God ka gigledi ta di paduglmara i mina kogon i ta ikrikwa

21ba God ye Jisas pre yegl dugwa,Na Yagl Kade moglka i, ka gigledi di padiglsre, nomane kor ta ikraglka.Ene tawa natnga yoba aimadi moratniwe7.21 Giglage 110.4dugwa.

25Te, ye aimadi kamin nono tawano togwa yagle morabuka pre yoba ye mina ede God moglmara enaiglkwa i, ye ege swara ere inan, aimadi kamin wakai kaima moraiglkwa i, kuno erukwa. I siragl pre ye aimadi kamin kor moglsre, God yoba i ake ple di tenabedi kamage ere moglkwa.

12Ene di natnga i, Ene ere wakai ere tedre, gawanma mere kide moraiglmedi ere edenagle dinga. Mere kide meglbi, yoba kerenaiglkwa kuno erekrabuka. Mudi nigl bina wesan mere kide yomere mere yegl moraiglmiwe dinga. Jekop yegl di, kamage erukwa.

13Ana ye kamage yegl ere tedre, ye dumo i eduer ugl paugwa. Ye ugl pai, tagna kana aduglkwa igne ye taraglmo tau Iso tenagledi yubu si pere edugwa.

31Ana ade koragle sugo, Jekop ye dumo Peniel i kide kodidre, ede ogwa. Ye boi boide ede ogwa.