Resultados da busca por "fé"

9Te, erme obuno dumara i mina yoba nomane inaiglkwa. Tawa ya ofa kane kane teimara i mina ta ake ple di norokrumedi i nogugl edugo, erme tadaglmeno pai moglmedi praiglkwa.

22Ana God lomo dumere kuno yegl taragl tau mudu bormai keme ere i wakai edugwa mere yegl pamedi kamga. Te, bormai suru edigo keme God ye tadaglmeno kide kodo togwa.

26Krais ye yegl ta erabuka pama, God dumo makan ere yogwa igne ede u erme pra, Krais ege mere udre, ege mere goglko. Ba erme, taragl mudu dudunabuka magigl erukwa igne, Krais ege swara kaima udre, tadaglme si dudu kodinagledi ye yene togwa.

1Ana Jisas ka ta ama yegl dugwa, Ene deno muduno yubun dekrano. Ene God pre mediglsre, na ama pre medilo.

3Te, na pi ene moraiglmara ere wakai ere tebo, na aglke ede ikne u ene na moglmara akie moramnedi agre i ede enaglka.

4Na enaglmara i, ene konbauna pre kan ere kodimiwe dugwa.

23Yegl digwa ba Jisas ye bakagl narimedi kan pogl sidre, ye yegl di togwa,

35ba ege okuo ibo yegl ta paikrabuka. Yoba geglkwa adigl u kor pi God yoba suglno morabara moraiglkwa kuno erikwa meglkwa i, ye ta bogl ikraiglkwa.

36Ye igne i, angelo meglmere mere kuno moglsre, aglke kor dagl ta goglkraiglkwa. God ye adigl u kor enaiglmedi eruko, erme ye God gagiglma kaima mogl kodigwa.

13Ene pro! Tadaglme ta ene den mudn mina pogglau boran, ene ere mogl, tadaglme i na swara moglmara pogglau boglmedi prikro. Nono yoba munga i, kuno yegl keme munga. Nono yegl munga ba God ye ege ege ka dumara adigl moglsre, ake ple di noro moglkwa pre ye kanige eran, tadaglme ene si atne edekrabuka. Tadaglme ene den mudn mina pogglau borabuka ba God ege ege ene tadaglme ta ere dinatnedi konbauna si tenabuka.

19Ana na diga i, god kibi kaima ta meglkwa pre dikrika. Te, yoba ye tawa gagl teigwa i, mem kaima pamere erimedi

28,29Ene yoko i nenaiglkwa ba yoba ta ene di te, Mie i, ye god yegl ta moglkwa i kagie dagl teimiwe di, yegl ta dinan, ene nekrio. Enene praiglkwa, mie i kide ta yeikrukwa nenamga aglau ta paikrumiwe di, yegl praiglkwa ba ene nebi, yoba i kandre, ene kide erimedi pre dinabuka pre ene nekrio diga.

4Ye maket wan mogl, ede ikne wigwa i, ama nigl padre keme, kaya mokna neigwa. Te, ye kowano awano mabunono pamere ama kap ya sin ya nigl migi nigl edigwa. Te, ye taragl ki yegl mere tau mere erikwa.

26Te, abu i Juda abu ta moglkrukwa. Ye Fonisia abu ta mogl, ka Grik dugwa. Dumo Fonisia we digwa i, dumo kade ta Siria we dimara suna yogwa. Ana ye Jisas moglmara u yage kobragai padre, ye abuglo moglmara murubuglo kide ta suna moglkwa ikra Jisas ye di meda edenabedi kamage yei, di pre moglkwa.

34Drabie mina si badre, ye kan heven ibo ede, muru i meda edidre, yagl i di te, Efata! dugwa. Ye ka Efata dugwa i, Yauro edo! mere yegl dugwa.

5Yoba ta ye ere kide ere tenamnedi eribi, ye drano mina doga drabie ede meda pi yoba i si gorabuka. Yegl pre yoba ta ye ere kide ere tenamnedi eraiglkwa i, mudu doga de, goraiglkwa paugwa.

6Te, yagl suo i, God ye kimagl kane kane erabredi yobuglo tenabuka pre ye ka kep ere di morabrika igne i kamun sikrabedi eribr, kamun sikrabuka. Te, nigl ama ede u bormai koglo enabedi ersre, yubun kane kane dumo makan mina plau dinabedi erabrika i, kuno erabuka pre ye kimagl kane kane yegl ta erabugledi prabrika igne, erabrika keme paugwa.

17yegl digwa,Yagl Kade God yo, yobugln pai kawa togwa motnga i, no ene di wakai yei tomga.Ene motnga i, ene okna aimadi kamin moglsre, erme ama mogl pai motnga.No ene di wakai yei tomga i, i siragl pre ene yobugln podo pamara i minaene taragl mudu i atne ede kodidre, erme yoba mudu bitno motnga.

1Ana God ere mogl, Noa wama bogl okuo wakai moraiglmedi ye di wakai yei te, yegl dugwa, Ene gak mere kide kulo! Mere kide kiglbi, ene yoba mere mogl, ede pi dumo pere pere uglo koglo koglo moraiglkwa.

7Ana, na ene okna kana di teigra, ene gak mere kide kulo! Mere kide kiglbi, ene yoba mere mogl, ede pi dumo pere pere moraiglmiwe di, yegl dugwa.

27Te, Jafet we, God ye gawama makano podo tenabuka. Tenan, Jafet gawama ya Siem gawama akie panaiglkwa. Paibi, Kenan gawama ye nigl kogono yoba moraiglmiwe di, yegl dugwa.

20Te, ade mim eran, ba ake bormai ede, ede u gogl enabuka. Yegl eran, okuo i na Yagl Kade moglka i, egena podo kide kaima, na yoba ka tage tenaglka ege i, unabuka.

24Ye Jisas si geglkwa i, ye giugl podo kide prisre, goglkwa ba ye aimadi gorabuka ka kaima ta kuno erekrukwa. Yegl pre God ye ere i kor edugo, adigl u kor omiwe di, Pita yegl dugwa.

44Te, yoba Jisas pre mediglkwa i, deno muduno swara yedre, mudu akie makai si meglkwa. Yegl ersre, ye ama ye yene ake ple di ikne ikne ede, taragl ere neigwa i, te ikne ikne ede, erikwa.

36Te, enene bitno mina ama ka gigledi ta dikraiglkwa paugwa. I siragl pre ene bitno yugo i, ikan unabedi eraiglkwa mo kama panabedi eraiglkwa i, ene kuno ta erekrikwa.

37Ene owo dinaiglkwa panan, ene owo keme dio. Mo, ene mane dinaiglkwa panan, mane keme dio. Ba ene kano si gigle dinagledi taragl tau kagno daiglbi, yagl kide ene nomane togwa mere yegl pamiwe dugwa.

42Yoba ene taraglno pre yana dibi, ene ye dinaiglmere teo. Mo, ye dina ta eramne dibi, ene mane dikrio di, Jisas yegl dugwa.

1Ba ene ogon mogo buglo sidre, Yoba i, yoba kide meglkwa ba na yoba wakai mole dinga i, kuno paikrukwa. Ye mabuno kide erimere ene ama etnga pre ene ka tage teo dinga igne, ene ama ka tage naro dinga mere yegl paugwa.

4Mo God ene mitn gogl, nomane kor inatnedi kanana sugl moglsre, mabuno wakai kaima ere te moglkwa i, kide pitno? God ene mabuno wakai te moglkwa i, nomanen yake tenatnga pre erumedi prekitnga paugwa.

5Ba ene nomane kor inakiursre, nomanen si gigle dinga i, ka tage u podo enabedi ere motnga. God kubrabuka egemo udre, ye mabuno du mina ka tage tenabuka ege ede nogugl unan, inatnga.

6Pai moglko, Jisas wan u kanugwa. Kandre, yagl i kamun kuade kide sumedi pre kan ersre, ye di pre, yegl dugwa, Kidenen aragan erabedi pitno? dugwa.

42-44Ba ene siragl mere meglkwa i, na kan pogl siga. Ene deno muduno God tekre, yoba kagno kade noraiglmedi prikwa. Ene God deno muduno tekrikwa i, nogugl paugwa. I siragl pre na Nina kagie mina wiga ba ene na di ikrikwa. Ene na di ikrikwa ba yoba ta yene kagie mina unan, ene yoba i di inaiglkwa. Te, ene yoba kagno kade noraiglmedi prisre, God swara kaima moglkwa i, no wakai erume dinabuka mo dikrabuka i, ene pre yubun dekrikwa. Ene yegl mere meglkwa pre ene na pre medraiglkwa i, kuno ta erekrabiwe di, Jisas yegl dugwa.

47Ba ene Moses ka boglkwa i ta pre mediglkrikwa. Yegl pre ene na kana pre medraiglkwa i ama kuno ta erekrumiwe di, Jisas yegl dugwa.

7Te, ene ede yugu ta pi padre, ta padre, erekrio. Ene yugu swara i moglsre, ye kaya mokna ya nigl siragl mere tenaiglkwa i, pra neo. I siragl pre kogon yoba topono i nedre, kogon eraiglkwa i, kuno erumiwe dugwa.

11God ene ka tage tenabuka i, nogugl panabedi pre no erme ogono nigl kuniwa. Nigl kunga ba ene pre kan eraiglkwa i, God yoba kingno morabuka igne i ka kaima ede magigl u kodumiwe di, yegl dinaiglme dugwa.

20Ba murubuglo kide ene kano duglo beglkwa i pre gun kaima yekrio. God ene kagno heven ibo bogl kodugwa swara i pre gun yeio dugwa.

4Na ene Korin yoba ege ege poglo di pre, God di wakai yei teiga. I siragl pre God ere mogl, ye Krais Jisas kogon erumara i mina ene ere wakai kaima ere togwa.

5Ye ene ere wakai kaima ere tome diga i, ene ye kogonmo kane kane eraiglmedi nomane ya yobuglo togwa i pre diga. Ye yegl mere ere, ene ere wakai ere togwa pre ene ye kamo mudu pre pogl sidre, yoba di tenaiglkwa i, kuno erukwa.

9God ene yoba du meglmedi kanabuka i, ye ege ege ka dumara adigl moglkwa pre ye dumere kaima yegl erabuka. Te, God ama yene ere mogl, ene ye Wam Jisas bogl swara kaima moraiglmedi agle dugo, ene Krais Jisas, nono Yaglno Kade i bogl u swara pi, swara kaima mogl kodigwa.

15Ana God lomo ikra dudugo, ka kor ta ume diga i, nogugl kaima paugwa. I siragl pre Melkisedek moglmere mere yegl, tawa togwa yagl kor ta unabe dugwa ikra, u kodugwa.

20Te, Jisas ye u tawano togwa yagle moglkwa i, ye kogon i yoko ta ikrukwa ba God ka gigledi ta di paduglmara i mina kogon i yugwa. Livai yoba okna tawa teigwa yoba meglkwa i, God ka gigledi ta di paduglmara i mina kogon i ta ikrikwa

25Te, ye aimadi kamin nono tawano togwa yagle morabuka pre yoba ye mina ede God moglmara enaiglkwa i, ye ege swara ere inan, aimadi kamin wakai kaima moraiglkwa i, kuno erukwa. I siragl pre ye aimadi kamin kor moglsre, God yoba i ake ple di tenabedi kamage ere moglkwa.

43,44Te, ene ogono ta ene yage sinaiglmedi eran, ogono i si keglu sio! Ene ogono koglo ekrike panan, ene ede pi kor moraiglmara enaiglkwa i, wakai panabuka. Ba ene ogono suo akie panan, ene ede doga kade aimadi de pamara enaiglkwa i, kide panabiwe dugwa.

45,46Te, ene kaglno ta ene yage sinaiglmedi eran, kaglno i si keglu sio! Ene kaglno koglo ekrike panan, ene ede kor moraiglmara enaiglkwa i, wakai panabuka. Ba ene kaglno suo akie panan, ene ede doga kade de pamara ebi, i kide panabuka.

47Te, ene gumuglno ta ene yage sinaiglmedi eran, gumuglno pogl edio! Aglau eran, ene gumuglno kogl koglo panan, ede doga kade enatnga i, kide panabuka. Ba ene gumuglno koglo ekrike keme panan, ene God yoba kingno mogl, ye sugl morabara enaiglkwa i, wakai panabuka.

2Ana angelo i, ye ki idre, makan mur ikra yauro edugo, ede inge podo ede egli ugwa. Ede inge i, yugu dogwa inge erumere mere yegl, inge podo kide ede egli u kamun mitna ya ade sugwa i pra, si kegl dugo, mim erukwa.

4God ye yobuglo yegl tedre, ama ye di te, yegl dugwa, Ene kugl kan makandigle paigwa mo ede swara ta ere kide erekrio. Yoba ta na muno gane mabro mina padigl tekrika i keme ene ere kide ere tenaiglmiwe dugwa.

11Te, taragl mogode mere meglkwa i, ye kingno ta moglkwa. Kingno i, angelo kide ta mur mina atne ime mogl, ede meda ugwa ikra, moglkwa. Ye kagie ka Hibru mina Abadon we digo, ka Grik mina Apolion we dumga.9.11 Kagie suo i, Abadon ya Apolion suo akie mem swara paugwa, mem i, Taragl ere kide erukwa yagl.

8Yegl pre na erme ene ka ta di tebo, ene prisre, na dinaglmere eratnga.

24Di wakai yei tenagledi erukwa ba ye aglke kor di prukwa, Ene ka kaima na wana Iso motno? dugwa. Yegl dugo, Jekop Na Iso moluwe dugwa.

28Ana na wana yo, God heven ibo moglkwa ene kaya mokna ere yaratnara waradarua erabedi ere tedre, makan gaba nuglo podo morabedi ere tedre, erabiwa. Yegl erse, ene kugl mogo ere yaratnga ya ede wain ere yaratnga i mere kide koraiglmedi ere edenabiwa.

5Ene mabuno kibi etnga. Ede podo ta gumugln mina paugwa i komono kana i meda edin, ene kan pogl sidre, ede dekne kebra ta agitn gumuglo mina paugwa i, i meda edinatnga kuno erabiwe di, Jisas yegl dugwa.

10Mo, ye buglo bagle pre dinan, ene ye toki ta tenatno? Ta tekratnga.

18Ede wakai ta mogo kide korabuka i, kuno erekrabuka. Te, ede kide ta mogo wakai korabuka i, ama kuno erekrabuka.

21ye i meda edibrika. I meda edibriko, Isip king abuglo ye u kan idre, yene wam morabedi i pi ere kuglkwa.

24ye ede ogwa. Ye pidre, kanugwa i, Isip yagl ta ere mogl, Israel yagl ta ere kide ere te, ye ere sugwa. Ere sugo, Moses ye kandre, Israel yagl i kubun ere idre, Isip yagl ikra ye mabuno kide erumara i, ere ikne ede te, si goglkwa.

53Ene na God lomo di kide yei teniwe digwa ba ene prio! dugwa. God okna ere mogl, angelo tau ye lomo i pi nono kowano awano tenaiglmedi togo, ye teigwa i, erme ene ama igwa. Ene God lomo i, igwa ba ene duglo ta boglkrimiwe di, Stiven yegl dugwa.

10God ye gumuglno si kin yenan, ye ta kankraiglkwa.Te, God ye yubun mere tenan, ye aimadi magi keme di wan moraiglmiwe11.10 Giglage 69.22-23di, King Devit yegl dugwa.

21Ene prio! Israel yoba ye Abraham gawama meglkwa ba ye pre mediglkrimara i, God ye kide kodugwa. Yegl pre yoba yugobuno pere, meda meglkwa i ta pre mediglkribi, God yoba i ama kide kodinabuka keme paugwa.

29I siragl pre God yoba ta agle didre, yoko kaima ere wakai ere togwa i, aimadi ere wakai ere te morabuka. God nomane kor idre, ye ta kide kodokrabuka.