20 Ana Jisas kamage yegl ere kodidre, ama yegl dugwa, Na duglo beglkwa yoba magigl meglkwa i keme pre kamage erekrika ba na kana dibi, yoba ira ta pre medraiglkwa i pre ama kamage erika. 21 Nina yo, na ye pre kamage erika i, nono swara kaima muglere yegl mere ye ama swara yegl moraiglmedi prika. Na ene motnara suna moglko, ene na moglmara suna motnga. Ye nono muglara suna meglbi, makandigle yoba kandre, ene na dedumedi pre medraiglmedi priwe dugwa.

22 Nono swara muglere yegl, ye swara kaima moraiglmedi prika. Prisre, na kagna kade natnga i, ye ama teiga. 23 Te, ene na moglmara suna motngo, na ye meglmara suna moglka i, ye swara kaima moraiglkwa pre erubuglka. Ye swara kaima meglbi, makandigle yoba kandre, ene na dedinedi pre medraiglkwa. Te, ene den mudun nare, na dedingo wimere i, makadigle yoba ama ene den mudun na duglo beglkwa yoba teniwe di praiglmedi priwe dugwa.