Romanos 7

Tadaglme ta erekramnedi punga i, eunga

14 Ana nono prumga, God lomo i, God yene di norukwa pre wakai yogwa. God lomo wakai yogwa ba na makandigle yoba moglka. Na yobuglna paikrukwa pre tadaglme yobuglo ere mogl, na si kane sugo, na tadaglme niglmo kogonmo ere teiga. 15 Na mabuno tau erika i, siragl pre erie? di, kinana gudu moglka. I siragl pre na mabuno tau eragledi prika i, erekre, mabuno tau kide pre, erakiurka i erika. 16 Na mabuno kide erekragledi prika pre na God lomo wakai yomedi prika i, nogugl paugwa. 17 Yegl pre na kaniga mabuno kide i, na nana ta erekrika ba tadaglme na dena muduna mina suna paugwa i, erukwa.