Romanos 10

12 Mbuli ino ni ya wose, kwani habule tafauti kati ya Wayahudi na waja haweli Wayahudi, Mndewa wa wose ni imwe, nayo ni munhu wa nying’ha ng’hani kwao wose wompula. 13 Kama Mayandiko ga Mulungu vigalonga, "Chila munhu yopula kwa zina da Mndewa, koloholigwa."

14 Baho, wompulaze iyo hawamtogole? Kaidi womtogolaze kama hawanapata kuhulika mbuli zake? Nao wohulikaze mbuli zake kama habule munhu wa kuligula? 15 Nao wanhu woligulaze kama hawatumigwe? Kama vigalonga Mayandiko ga Mulungu, "Ni mbuli inogile ng’hani kumuona munhu yoligula Usenga Unogile!" 16 Mbali wose hawaibokele iyo mbuli inogile. Hata Isaya viyalongile, "Mndewa, yelihi yautogole usenga wetu?" 17 Uko kutogola kolawila kwa kuhulika mbuli, na mbuli iyo yolawa kwa Usenga wa Kilisito.