1 Mbokeleni miyenu ija yang’hali na nhogola ndodo, mbali sekemgombe nayo kwa gaja goyolonga. 2 Munhu imwe kotogola kuja chinhu chochose, mbali imwenga yeli na nhogola ndodo koja mboga za mayani ziiyeka. 3 Munhu yoja chila chinhu seke yamzeleu ija hodaha kuja chila chinhu, nayo yoja mboga za mayani ziiyeka seke yamulamule ija yoja chila chinu, kwavija Mulungu kamtogola. 4 Gweye kwa nani mbaka umulamule mtumigwa wa imwenga? Mkulu wake iyo yovimanya kama mtumigwa wake kabananga hebu hanabananga, enaa, kokwiza kusang’hana kama viilondeka, kwavija Mndewa kana udaho wa kumtaza yasang’hane viilondeka.