16 Mvimanya kua mhailava wenyego kama watumwa na kumtegeleza munhu, mokua watumwa wake kweli munhu iyo, hebu mwahailava wenyego kua watumwa wa malozo gaja hachikomelezo chenu ni ifa, hebu kwa kutegeleza Mulungu haichikomelezo motogoligwa nayo. 17 Baho mwaka mkala watumwa wa malozo, mbali sambi nomwing’ha hewela Mulungu, kwavija mtogola mmoyo kutegeleza mahala gamwing’higwe. 18 Mkomboligwa kulawa muutumwa wa Malozo, muwa watumwa wa gatogoligwa na Mulungu.
20 Vumkalile watumwa wa malozo mkala muinega kutali na goyotogoligwa na Mulungu. 21 Mbali vumkalile watumwa wa malozo, mkala kutali na Mulungu hamgesile kusang’hana gaja goyolonda Mulungu. 22 Mbali sambi mkomboligwa kulawa utumwa wa malozo na muwa watumigwa wa Mulungu, sambi mweye mmweda kua wanhu wa Mulungu, na malawilo gake ni ugima ulibule uhelelo. 23 Manake uhagasang’hanila malozo malawilo gake ni ifa, mbali gweko diyalava Mulungu ni ugima ulibule uhelelo kwa kuilumba na Kilisito Yesu, Mndewa wetu.