19 Kwavija vilumbe vose vokalizila ng’hani Mulungu yawalagusile wana wake. 20 Kwavija vilumbe vikigwa bila ludabwa, sio kama viwalonda, mbali watendigwa ivo kwa vija viyalonda Mulungu. Hataivo dabaho tamanilo, 21 Vilumbe ivo navo voloholigwa kulawa muutumwa wa unanzi, vize viilegehe muukulu wa wana wa Mulungu. 22 Kwavija chivimanya kua mbaka vino sambi, vilumbe vose volila kwa usungu kama uja wa mwanachike kuibasula mwana. 23 Hebu sio vilumbe ivo viiyeka, mbali hata cheye chili na iyo Muhe, iyo yeli wa mosi wa gweko da Mulungu, ivija choiyalala mgati yetu, kuno chobeta kutendigwa wana wa Mulungu, na cheye chikomboligwe. 24 Kwavija tamanilo ijo cheye chiloholigwa. Mbali tamanilo hadifaya kama chokiona icho ichitumanila. Manake yelihi yotamanila chija kamala kuchiona? 25 Kama chihachitumanila chija ching’hali hachinakiona, baho, chokibeta kwa kufunya moyo.
Publicidade