Wende wa Mulungu kubitila Kilisito Yesu
31 Kwaivo, chilonge choni mzimbuli zino? Ihawa Mulungu kaubanzi wetu, yelihi kodaha kua chimbidu na cheye? 32 Mulungu hamkimile Mwanage yaiyeka, mbali kamlava kwambuli yetu cheye wose. Ihawa katenda ivo, ivo, haching’ha ivija ganogile gose? 33 Yelihi yonda yawalongeleze wasaguligwe na Mulungu? Mulungu mwenyego iyo yawatogole kua wanhu wake! 34 Yelihi yonda yawalamule? Habule! Kwavija Kilisito Yesu iyo yadanganike, kaidi kazilibuka na kakala ubanzi wa kutogoligwa kwa Mulungu. Iyo kochipulila!