ପିଲିପିଦି ଜଇଲ୍ତୁ ପାଉଲ ନି ସିଲା
16 ଅର୍ଲେନ୍ ମାପ୍ ପାର୍ତାନା ବାଡିଦୁ ସନିୱାଲେ ଅରେତ୍ ଦାସି ରିପାଦିଙ୍ଗ୍ଁ ବୁଡ଼ିତାପ୍ । ତାନି ଲୋଇ ମାନି ତାଗ୍ଇ ଆତ୍ମାଦି ସାକ୍ତିଦାନ୍ ୱାଦ୍ ବବିସତ୍ ମାଟା ଇନ୍ଡ୍ରେଙ୍ଗ୍ଁ ଆଟ୍ସି ମାର୍ହାତ୍ । ୱାଦ୍ ଲୋକା ବାଗ୍ୟ ଲେକିସ୍ କିଜି, ମାଲିକ୍କା ଉଣ୍ତିଙ୍ଗ୍ଁ ନାଣ୍ତ ଡାବୁଙ୍ଗୁଁ ଉଣ୍ତା କିଜିମାର୍ହାତ୍ । 17 ୱାଦ୍ ପାଉଲ ନି ମା ୱେନ୍କା ୱେନ୍କା ୱାଜି ଆଉଲି ଆଜି ଇର୍ହାତ୍, "ଇୟା ଲୋକୁ ୱିଜେରିଙ୍ଗ୍ଁ ପେରି ମାପୁରୁଦି ସେବାକିନିକାର୍ । ମିର୍ ଏଣ୍ତେସ୍ ପରିତ୍ରାଣ ପୟ୍ନିଦେର୍, ଇୟା ମାଟା ୱାର୍ ଇଜିନାର୍ !" 18 ରିପା ଆଇଲି ବେସି ଦିନ୍ ଆସ୍ସି ଇୟାୱାଜା କିତାତ୍ । ସାରାସାରି ପାଉଲ ରିସା ଆଜି ୱେନ୍କା ମାର୍ଜି ତାଗ୍ଇ ଆତ୍ମାଦିଙ୍ଗ୍ଁ ଆଦ୍ରିସି ଇର୍ହାନ୍, "ଜିସୁ କ୍ରିସ୍ତଦି ଦର୍ତାନ୍ ଆଦେସ୍ ସିଜିନା, ତାନି ମାଣାନ୍ ସହସ ସାଙ୍ଗ୍ଆ !" ଆୟା ଦାପ୍ରେ ତାଗ୍ଇ ଆତ୍ମା ତାନି ମାଣାନ୍ ସତା ସର୍ହାତ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)