8 Mokaa ntayusẽ shinɛ nɛ ayuu Uɓeyelapa Yesɔ Kirisini, ko ang yuu mokaa ntayusẽnɛ, nkɔng shɔgbete shɔ mang a Kirisi yuu, nɔgbete a si pɛli nam a masisɨntɔ a raɓoonɛni aru ruu tɔ̃vɨnmi, Ɗalapa yɛ ãwɔ kaka tɔ au yuuni. 9 Ɗalapa raautɛ a ɓaunyarɛ nɛu ɔ̃ n shɔbii, ji ɓau nyaɓa ayuu vigbete u pɛliyɛ tɔ̃vɨn ɓa, ama ji ayuu ruu gbete pɔ̃ au sisɨnyɛ a tɔ̃vɨn shonɛ. Ɗalapa ãu tɔ̃vɨn shonɛm a nyaba Kirisi Yesɔ kabii, koo u ɓɛɛ shɛnɛ. 10 Ama dɔdɔrim Ɗalapa tasiutɛ a nyaba u shɔshɔranɛ anɛ Kirisi Yesɔ. Ukɔ pɔ̃ ruu vɔnɛrɛ kagbete, a tasiu ɗɔsẽsẽ ruu suru kpaanɛ a nyaba ruu tɔ̃vɨn gbete yisinyaɓayɛ.