Boazi komkwela Ruti
1 Boazi tsakeghenda kune libani lya ghumji, hanu ha kwitinganganila iwanu kakala baho. Kuya indughu yula wa Elimeleki, Boazi iyalongile mbuli tsake tsakabita baho. Boazi kamkema, kalonga "Soghela hano sale yangu," Naye kasoghela, kakala hasi. 2 Boazi kawakema wanzee kumi, kawalomba wakale hasi, nawo wakala hasi.
6 Imunu yula kedika, "Sitsoghukombola bae mghunda aghwo, nokuleka ghweghwe ughukombole. Nene sidaha bae, kwaapfila iwanangu ng’awatsolisi bae mghunda aghwo."
7 Mna matsuwa agho, imunu ang’abama kughombola chinu au kughombola mali kwa miyaghe, wang’ali wotsulagha likwabatsa limwe na kumwing’a imunu iyokombola chinu. Apfi pfipfo Waisiraeli pfawang’ali welaghana.
9 Kuya Boazi kawalongela iwanzee wala na iwanu wose iwakalile hala, "Leloli mwemwe mwa wakalangama wangu, mwona wenyegho ka nene nighombola ipfinu pfose ipfiwile pfa Elimeleki, Kilioni na Mahiloni. 10 Pfipfila, ayu Ruti Mmoabi, mwehe wake Mahiloni, nimkwela yawe mwehe wangu, ili tsimali tsikale mna lukolo lwa ndughu yetu iyafile, na taghwa lyake lileke kwagha mna ndughu tsake wala akaye yake, Mwemwe mwa wakalangama."
12 Iwana iyokwing’a Imtwatsa Imulungu kulawa kwa ipinga yuno wawe ka iwana wa Pelesi, iwana wa Yuda na Tamali."
Boazi ne watsukulu wake
13 Apfo Boazi kamkwela Ruti, kawa mwehe wake. Imtwatsa Imulungu kambaliki Ruti, naye kakinda inda, keleka imwana mmale.
17 Iwapinga iwakalile habehi naye walonga, "Naomi kana mwana," taghwa lyake Obedi. Obedi kamweleka Yese, na Yese kamweleka Daudi.