मीका 1

1 ✝ १:१ २ राजा १५:३२; १६:२० परमेश्वर को वचन, जो यहूदा को राजा योताम, आहाज अऊर हिजकिय्याह को शासन काल म मोरेशेतवासी मीका ख पहुंच्यो, जेख ओन सामरिया नगर अऊर यरूशलेम को बारे म पायो।

सामरिया अऊर यरूशलेम लायी विलाप

2 हे राज्य राज्य को सब लोगो, सुनो! ओ धरती को जो कुछ तोरो म हय, ध्यान दे! प्रभु परमेश्वर तुम्हरो खिलाफ हय, पर परमेश्वर अपनो पवित्र मन्दिर म सी तुम्हरो पर गवाही दे। 3 कहालीकि देख, परमेश्वर अपनो पवित्र जागा सी बाहेर निकल रह्यो हय, अऊर ऊ उतर क धरती की ऊंची जागा पर चलेंन। 4 पहाड़ी ओको खल्लो सी गल जायेंन, अऊर घाटी असी फटेंन, जसो मोम आगी की आच सी, अऊर पानी जो घाट सी खल्लो बहय हय। 5 यो सब याकूब को अपराध अऊर इस्राएल को घराना को पाप को कारण भयो हय। याकूब को अपराध का आय? का सामरिया नहीं? अऊर यहूदा की ऊंची जागा का आय? का यरूशलेम नहीं? 6 योच वजह मय सामरिया ख मैदान म को ढेर बनाय देऊं, अऊर अंगूर को बगीचा बनाऊं; अऊर मय ओको गोटावों ख खायी म लुढ़काय देऊं, अऊर ओकी नींव उखाड़ देऊं। 7 ओकी सब खोदी हुयी मूर्ती टुकड़ा टुकड़ा होय जायेंन; अऊर जो कुछ ओन व्यभिचार सी कमायो हय ऊ आगी सी भस्म करयो जायेंन, अऊर ओकी सब प्रतिमा ख मय चकनाचूर करूं; कहालीकि व्यभिचार कीच कमायी सी ओन ओख जमा करयो हय, अऊर फिर व्यभिचार कीच कमायी होय जायेंन। 8 योच कारन मय छाती पीट क हाय, हाय, करूं; मय नंगा पाय अऊर बिना कपड़ा को चल्यो फिरयो करूं; मय गिधाड़ को जसो चिल्लाऊ, अऊर शुतुरमुर्ग को जसो रोऊं। 9 कहालीकि ओको घाव कभी नहीं भर सकय, अऊर समस्या यहूदा पर भी आय पड़ी हय, पर ऊ मोरी जात भाऊवों क पकड़ क यरूशलेम को फाटक तक पहुंच गयो हय।

दुश्मन को यरूशलेम को तरफ बढ़नो

10 गत नगर म येकी चर्चा मत करो, अऊर मत रोवो; पर *१:१० धूल को घरबेतआप्रा की धूल म गरबड़्या मारो। 11 हे शापीर नगर की रहन वाली नंगी अऊर बेसरम होय क चली जा; सानान नगर की रहन वाली नहीं निकल सकय; बेतेसेल को रोनो पीटनो को वजह ओकी रहन की जागा तुम सी ले लियो जायेंन। 12 कहालीकि सारोत की रहन वाली त अच्छो समय की रस्ता देखत-देखत थक गयी हय, कहालीकि यहोवा को तरफ यरूशलेम की फाटक तक समस्या आय गयी हय। 13 हे लाकीश की रहन वाली अपनो रथों म तेज चलन वालो घोड़ा जोत; तोरो सीच *१:१३ सिय्योन की टुरियांसिय्योन की प्रजा को पाप की सुरूवात भयी, कहालीकि इस्राएल को अपराध तोरो मच पायो गयो। 14 योच कारण तय गत मोरेशेत ख दान दे क दूर कर देजो; *१:१४ धोकाअकजीब को घर सी इस्राएल को राजा धोखाच खायेंन। 15 हे मारेशा की रहन वाली मय तब तोरो पर एक अधिकारी ठहराऊं, अऊर इस्राएल को मुख्य लोगों ख अदुल्लाम की गुफा म आनो पड़ेंन। 16 अपनो प्रिय टुरावों लायी दु:ख म अपनी मुंड को बाल मुंड़ा, अऊर गिधाड़ को जसो अपनी मुंड टकला कर ले, कहालीकि तुम्हरो बच्चा तुम्हरो जवर सी गुलाम होय क चली जायेंन।