Miquéias 5

1 हे यरूशलेम को लोगों, दल बांध-बांध क जमा हो, कहालीकि ओन हम लोगों ख घेर लियो हय; हि इस्राएल को न्यायी को गाल पर मारेंन।

बैतलहम सी एक राजा को आन की वाचा

2 ✝ 5:2 मत्ती २:६ ओ एप्राता को बैतलहम, यदि तय असो छोटो हय कि यहूदा को हजारों म गिन्यो नहीं जावय, तब भी तोरो म सी एक आदमी निकलेंन, जो इस्राएलियों म शासन करन वालो होयेंन; अऊर ओको निकलनो प्राचीन काल सी, पर पुरानो जमाना सी होतो आयो हय। 3 योच वजह ऊ उन्ख ऊ समय तक ठुकरायो रहेंन, जब तक गर्भवती बच्चा पैदा नहीं करेंन; तब इस्राएलियों को जवर ओको बच्यो हुयो भाऊ लौट क उन्को सी मिल जायेंन। 4 अऊर ऊ खड़ो होय क यहोवा की दी हुयी शक्ति सी, अऊर अपनो परमेश्वर यहोवा को नाम को प्रताप सी, उन्ख चरायेंन। हि सुरक्षित रहेंन, कहालीकि अब ऊ धरती को कोना तक महान ठहरेंन।

छुटकारा अऊर दण्ड

5 ऊ शान्ति को मूल होयेंन। छुटकारा अऊर दण्ड जब अश्शूरी सेना हमरो देश पर चढ़ायी करेंन, अऊर हमरो राज भवन म पाय रखेंन, तब हम उन्को खिलाफ साथ चरवाहा बल्की आठ मुखिया आदमी खड़ो करबोंन; 6 ✝5:6 उत्पत्ति 10:8-11अऊर हि अश्शूर को देश पर सिरन की जागा तक निम्रोद को देश ख तलवार चलाय क मार डालेंन; अऊर जब अश्शूरी लोग हमरो देश म आयेंन, अऊर ओकी सरहद को अन्दर पाय रखेंन, तब उच आदमी हम्ख उन्को सी बचायेंन। 7 तब याकूब को बच्यो हुयो लोग बहुत राज्य को बीच असो काम करायेंन, जसो यहोवा को तरफ सी पड़न वाली ओस, अऊर घास पर की बरसात, जो कोयी लायी नहीं रुकय अऊर आदमियों की बाट नहीं देखय। 8 याकूब को बच्यो हुयो लोग राज्यों म अऊर देश देश को लोगों को बीच असो होयेंन जसो जंगली जनावर म शेर, या शेरी मेंढी को झुण्ड म जवान शेर होवय हय, कहालीकि जब ऊ उन्को बीच म सी जायेंन, त खूंदतो अऊर फाड़तो जायेंन, अऊर कोयी नहीं बच पायेंन। 9 तोरो हाथ तोरो विरोधी पर पड़े अऊर तोरो सब दुश्मन नाश होय जाये। 10 यहोवा की याच वाणी आय, ऊ समय मय तोरो घोड़ा ख तोरो बिच म सी नाश कर देऊं; अऊर तोरो रथों को सत्यानाश कर देऊं। 11 मय तोरो देश को नगर ख भी नाश करूं, अऊर तोरो सब किला ख गिराय देऊं। 12 मय तोरो तंत्र-मंत्र ख नाश करूं, अऊर तोरो यहां भविष्य की बात बतान वालो फिर जीन्दो नहीं रहेंन। 13 मय तुम्हरी मूर्ती अऊर तुम्हरो बीच सी पूजा को गोटा ख नाश कर देऊं; अऊर तुम फिर कभी अपनो हाथ सी बनायी हुयी चिजों को आगु फिर कभी नहीं झुको। 14 मय तोरो अशेरा नाम की मूर्ती ख तोरी जमीन म सी उखाड़ डालूं, अऊर तोरो नगर को विनाश करूं। 15 अऊर जो राज्य आदेश को पालन नहीं करय हंय, उन्को सी मय भयंकर गुस्सा म बदला लेऊं।