1 Əpʉ səye sə tə djatra əpʉ: kədə əbə əzu kə ma əgo kə sə ga tə kumu Laglizə, ərɔ kosəra kə sə a tshə ma əgo nə kɔ. 2 Rəkɔ, ə li ndə kə pa əzu əne tshə sə ga tə kumu Laglizə nə kɔ, əbə əpʉ bale sə sə lə kumu ye ne, tshə sə də yashe kʉ bale, tshə mbrə ərə mbrə kʉ ngbaa ne, ə wusə kə tegbɔ kumu ye, tshə mbrə tə ye tə əzu əne tshə lʉ tə ye, tshə wusə kə ko ayirə ga tə ye, tshə sə tə əzu əne tshə li ndə kə yisə ərə kə azu, 3 tshə sə sə tə awondju əpi wala tə awombrə koshe ne, bale, tshə mbrə tə ye lə zɨtɨnə, tshə sə tə əzu əne blatshe sə lə takpa tə ye də anga nə, əgo ngendja sə sə tə lɔsu ye ne, 4 tshə wusə kə yisə awa kə azu tshelə anda nə ye tə ərɔnə, tshə bata aneshe nə ye tə awa kə dji əpʉ ama, də kə lʉ azu. 5 Mbrə əne kədə əbə əzu kə wusə kə yisə awa wu kə azu tshelə anda nə ye də ətə ye ne, tshə sə kə bata Laglizə nə Ndjapa nə ata a? 6 Əzu əne tshə sə ga tə kumu Laglizə, tshə li li ndə kə sə tə əzu əne tshə za lɔsu ye kə Kristə nə tə tafa nə ne, kanika wuma bu ala ye bu ka tshə te ga tshekudu ngbanga mata djablo ne. 7 Ə li ndje ndə kə pa azu əne əndje sə sə lə Laglizə nə ne kɔ pa ərɔ əpʉ nə ye, ndə kə pa azu pa tə ye pa, tshə te te ndje lə əku nə djablo ne.