Resultados da busca por "fé"

3Alaye əmə ə̂në mə yində e tə bandanə kɔ, mə za tə̂ əmə nɔ̂ ndə kə pa mə ta ngrowô kə e gâ pâ əpʉ kə she əzə̂ lə kuzu ə̂në ə wu əzə̂ nɔ̂ kɔ. Ə̈bə̈ ərə za əmə ndə kə pa mə ta ngrowô nə kə e ə gbɔgbɔ e ndə kə pa e mbrə awlra mbrə əpʉ lɔsu ə̂në Ndjapä zâ kə azü nə̂ ye äwä bale gbrä gâ ye kɔ.

11Əyo gâ pâ əndje! Mbrə ə̂në əndje zâ äwä ə̂në Kayinə zâ kɔ gâ ye; mbrə əgo ngendja, əndje zâ əmbrʉ äwä ə̂në Balamə zâ kɔ gâ ye; Ndjapä ə wa ngbanga gâ pâ əndje je ə̂në əndje âfɔ də əpʉ mata Kɔre kɔ.1.11 Kayinə: Wu Vɔtə̂ 4.3-8. Balamə: Wu Kumu 31.16. Kɔre: Wu Kumu 16.1-35.

20Bale ənə̂ e, alaye əmə ə̂në mə yində e tə bandanə kɔ, e gämba kə sə e gâ pâ əpʉ lɔsu e ə̂në ə sə kpî kɔ. E yü Ndjapä tə̂ äwä Âgbɔ̂ Yîrə̂.

1Alaye əmə, ənə̂ əmə, mə lï lï ndə kə pa, leme-e, mə pâ əpʉ kə e mata azü ə̂në əndje sə də Yîrə̂ Ndjapä nə kɔ ne. Bale, mə pâ əpʉ kə e mata azü tshepashɔ səye, mata aə̂ngê aneshe tə̂ äwä əpʉ nə̂ Kristə nə.

3mbrə ə̂në e daka pə alɔnɔ̂ tə azü tshepashɔ səye. Ə̂në e daka pə kə za tshelə e gâ tə̂ angâ e, ə daka pə kə pʉ nə lə takpa tə̂ e kɔ, e sə sə pə tə azü tshepashɔ səye ne a? E sə sə kə mbrə tə̂ e tə ə̂dû azü ne a?

22ə də̂ kəmə Palɔ nə wala Apolɔsə nə, wala Sefasə, wala tshepashɔ, wala sorô, wala kuzu, wala aərə tshe kpəsəye, wala aərə tshe də əmbʉ. Aərə nɔ̂ sə tə ənə̂ e,

24Ə̂në Palɔ nə sə̂ kə pa əpʉ gâ pâ əpʉ nə̂ ye nə rə kɔ, Festusə nə tâ râwâ ə pa: «Palɔ, ângwâ sə lə kumu zə a! Bə wusə̂ ərə ʉrrr ə mbrə əbə tə yïrə̈ gâ ye a!»

7Ə də̂ kʉ mbrə kə na Titə nə də̂ ne, bale ndje mbrə e-e ə̂në e zɨ̂tɨ lɔsu ye ndje kɔ. Tshə pâ ndə əgo ə̂në e sə̂ də nə ndə kə wu əmə kɔ, də əkɨ ə̂në e kɨ̂ ndə əmə də əgo ndə kə pa e te awlra əmə kɔ kə ä gâ ye, â tshelə əmə mɔ ngbatshe.

8Bale, kədə mə zâ əyo gâ tə̂ lɔsu e lə fraka nə ə̂në mə wlâ kə e kɔ, tshelə əmə ko əmə ko tə̂ nə ne. Bale, tshelə əmə kô əmə tə̂ nə ətshinə gâ ye, mbrə ə̂në mə wusə̂ nə ə pa ə zâ əyo gâ tə̂ lɔsu e gâ lə ə̈bə̈ əlo gâ ye.

13Âdârə ə̂në lɔsu ä zɨ̂tɨ gâ ye kɔ kə sə̂.Bale, gâ pâ nə, tshelə ä mɔ̂ ngbatshe mbrə Titə ə̂në tshə sə də ə̂rû tə̂ lɔsu ye ndje tə̂ ərə ə̂në e mbrə̂ kə ətshə ndə kə zɨtɨ lɔsu ye kɔ.

8Bale, ə̈bə̈ əzü bale lï lï ndə kə pa tshə mbrə tima tə ərə kə dji əpʉ ama ye ne. Tima sə tə ə̈bə̈ əmbrʉ rəka ə̂në ə kpe kʉ kra kra kra, ə su ə su də gîəsü kuzu lə nə.

10Kʉ lə ama bale də̂ ə̂rɔ̂ əpʉ də əpʉ kə dra ətshe ə wutu lə nə kɔ. Alaye əmə, ə lï lï ndə kə pa ərə nə sə rə ne.

12Alaye əmə, ayɔ figə lï ndə kə pa ə le aə̂lê ɔlivə a? Wala ayɔ vinyə le aə̂lê figə a? Rəkɔ, yasa ə̂ngû ə̂në ə sə də əngbrʉ kɔ lï lï ndə kə pa âtshɔ̂ ə̂ngû gu lə nə ne.

11Leme-e, tshə sə̂ sə̂ tə ə̈bə̈ ə̂rɔ̂ əzü mbrə əbə ne, bale kpəsəye, tshə sə tə ə̂rɔ̂ əzü1.11 Âdâ əɨrɨ Ɔnezimə: kə də̂ ə̈bə̈ ə̂rɔ̂ ərə. mbrə əzə̂ də aəmə.

16ə də̂ kwatə̂ye tə kanga də̂ ne, bale tshə rô kanga gâ ye, tshə sə tə aye ə̂në a yində ye tə bandanə. Tshə sə rə mbrə əmə rô pâ nə, tshə sə sə ndje rə mbrə əbə ə rô əmə ne atâ, ə̂në tshə sə tə aye lə əzü â sə ndje tə aye lə Âgbɔ̂ Əyïngerə kɔ!

19Əmə Palɔ, mə sə kə ta əpʉ səke də kəna əmə, əmə də ə̂tə̂ əmə, mə piyi nə kə əbə je. Bale, mə yi yində kə pa kə əbə ə pa əbə ndje, bə sə də ködä nə̂ əmə lə kumu zə, ködä nə kə də̂ əbə də ə̂tə̂ zə.

7Kədə e wusə̂ əmə, e sə kə wusə̂ Abä əmə ndje. Â ə̂në a ləye, e wusə̂ ye â wû ətshə gâ ye.»

15«Kədə e yində əmə, e sə kə bata aəpʉ lə âgbɔ̂ əpʉ nə̂ əmə.

28E djî əpʉ ə̂në, əmə, mə pâ kə e ə pa: "Mə sə kə gu na ye, bale mə sə kə do tə̂ əmə ə gu gâ tə̂ e je." Kədə e yîndə əmə kəmə, e sə̂ kə sə kəmə də ə̂rû mbrə ə̂në mə sə kə gu mâ ndə Abä kɔ, mbrə ə̂në Abä rô əmə gâ ye.

7Alaye əmə, rəkɔ, e känga lɔsu e ə kä tə̂ alɔ kə gu Âgbɔ̂ Əyïngerə. E wü awodjo kəndɨ. Tshə sə kə kânga lɔsu ye ə ka tə̂ ə̂rɔ̂ rəgo kəndɨ nə, ʉrrr ndjɔ ə sɔtə̂ angbʉlî angwa rəgo nə də bale angwa rəgo nə gâ ye kane.

11A pa ənə̂ əndje tə ə̂rɔ̂nə, azü nə ə̂në əndje kânga lɔsu əndje gâ ye lə aərə əyo səkɔ. E djî ndə əpʉ kə kânga lɔsu Jɔbə lə aərə əyo gâ ye, â e wû aərə ə̂në Əyïlingû kô kə ətshə mandânə kɔ gâ ye, mbrə ə̂në Əyïlingû sə də ə̂rɔ̂ lɔsu tə bandanə â wu əyo azü ngbatshe.

12Alaye əmə, angbʉlî ərə nɔ̂, e drä tə̂ e drä də əɨrɨ tshelafɔ wala də ashɔ wala də əɨrɨ ərə bale ne. Bale, kədə e pa ayî, ə daka pə ayî, wala a’awɔ̂, ə daka pə a’awɔ̂, kanika e te te gâ lə ngbanga gâ tshekudu Ndjapä nə ne.

9E kätə̂ äwä kä kə adongo aərə ə̂në əndje yisə̂ nə kpî kɔ ə djingli äwä tə̂ e ne. Ə sə tə ə̂rɔ̂nə ndə kə pa ə̂rɔ̂tə̂ Ndjapä kanika ə gbɔgbɔ lɔsu e, ə də̂ arəgo də̂ ne, ə̂në ə mbrə̂ ə̈bə̈ ərə mbrə̂ bale kə azü nə ə̂në əndje sə kə bata aəpʉ arəgo nə kɔ ne kɔ.

22Alaye əmə, mə pa e ru ə ru ə dji əpʉ kə gbɔgbɔ e sə̂ ə̂në mə pa kɔ. Mbrə ə̂në mə tâ əpʉ nə kʉ ndo â tâ kɔ.

23E wüsə̂ nə ə pa əndje kâtə̂ aye əzə̂ də Timɔte gâ ye. Kədə tshə yi kumu ye katshä, ä də ətshə ə na ə wu e je.

5Âdârə ə̂në, mə lï lï ndə kə pa mə ka kʉ ʉrrr ne, ə̂në mə wlâ Timɔte ndə kə pa tshə na ə wusə̂ əpʉ gâ pâ əpʉ lɔsu e kɔ kə sə̂. Awa mbrə̂ əmə â mə pâ djablo frɔ̂ e gâ ye ndə kə pa kosəra ə̂në ä mbrə̂ gâ ye kɔ ə sə kʉ tə ambanə nə ne.

6Bale, kpəsəye, Timɔte tô mâ ndə e mâ je ə gû gâ ye; tshə pâ ə̂rɔ̂ əpʉ kə ä gâ pâ əpʉ lɔsu e də kə yi tə̂ nə̂ e. Tshə pâ ndje kə ä ə pa e sə kə li tshelə e alɔnɔ̂ gâ pâ ä, e sə də əgo ndə kə wu ä mata ə̂në ä sə ndje də əgo ndə kə wu e kɔ.

8Mandânə səye, əwu ä gû gâ lə nə gâ ye, mbrə ə̂në e daka pə kə gbɔgbɔ tə̂ e tə̂ äwä lɔsu e tə̂ äwä Âgbɔ̂ Əyïngerə.

10Âdârə ə̂në, alaye, e mbrə̈ nɔ̂ kwatə̂-e ə ro ənə̂ ətshinə ndə kə pa e yisə̂ nə gashu ə pa e yində kə e e ə̂në Ndjapä nə ê e kɔ də kə ke e ə̂në tshə kê e kɔ gâ ye. Mbrə ə̂në kədə e sə kə mbrə rə, e sə sə kə te gâ lə əmbrʉ ərə alɔ bale ne.

16Ngâ, ə də̂ tə̂ äwä andəmaterə ə̂në azü sɔ̂ kpə lə kumu əndje ə wûtu də nə kɔ də̂ ä yîsə̂ əpʉ awlra nə̂ Âgbɔ̂ Əyïngerə nə̂ əzə̂ də Jezu Kristə nə də alɔ kə gu ətshə kə e kɔ ne. Bale, ä wû ətshə lə əgerə tə̂ ye də ala ä də ə̂tə̂ ä.

21Mbrə ə̂në ə̈bə̈ əzü bale a afɔ ndə tshelə ye alɔ bale ə pa ndəma Ndjapä ne. Bale, Âgbɔ̂ Yîrə̂ kə yisə̂ əpʉ nə â azü ə pa ndəma Ndjapä nə kɔ.

3Jezu kîrə əpʉ kə əndje ə pa: «Bale, e-e, mbrə yekɔ də̂ e wəra tə̂ e tə̂ âgbɔ̂ əpʉ nə̂ Ndjapä â ma tə̂ e Lïndə̂ mandʉ ərə nə̂ e kɔ?

16Bale, Jezu pâ: «E-e ndje, e lï lï ndə kə wusə̂ âdâ ərə ne a?

18Bale, ərə ə̂në ə sə kə wutu lə ama əzü kɔ, ə to mâ tə̂ lɔsu ye. Tə nə kə ma ndə kə pa əzü nə sə tə əmbrʉ əzü kɔ.

9Ətshə kə tshɔ̂ əzə̂ lə kuzu â ê əzə̂ ndə kə pa a sə tə azü nə̂ ye kɔ, ə də̂ mbrə aərə ə̂në a mbrə̂ kɔ də̂ tshə ê əzə̂ kɔ ne. Bale tshə ê əzə̂ ə lï də ərə ə̂në tshə gâmba mâ tə̂ lɔsu ye də ə̂tə̂ ye ndə kə mbrə nə kɔ, Lïndə̂ ə̂rɔ̂tə̂ ye ə̂në tshə mbrə̂ kə əzə̂ tə̂ äwä Jezu Kristə nə angbʉlînə ndə kə pa tshə mbrə tshepashɔ kɔ.

12Mbrə nə ndje də̂ mə wu aəyo səke, bale gana nə mbrə əmə mbrə ne, mbrə ə̂në mə wusə̂ əzü ə̂në mə zâ lɔsu əmə kə ətshə gâ ye kɔ. Â mə wûsə̂ nə mâ tə̂ lɔsu əmə ə pa ətshə nə, tshə sə də awlra ndə kə pa tshə bata ərə ə̂në tshə zâ gâ lə kəna əmə gâ ye kɔ ʉrrr ndjɔ gâ tə̂ bale əlo.

18Âgbɔ̂ Əyïngerə zä äwä kə ətshə ndə kə pa tshə sɔtə̂ ə̂rɔ̂tə̂ Ndjapä tə̂ bale əlo. Əbə də ə̂tə̂ zə, bə wusə̂ nə tə ə̂rɔ̂nə ə rô azü nɔ̂, äwä ə̂në tshə mbrə̂ aə̂rɔ̂ aərə kə əmə mâ Efazə kɔ gâ ye.

1Ərə ə̂në ə sə̂ je leme-e pə tə̂ ama nə, ərə ə̂në ä djî əpʉ nə, ərə ə̂në ä wû də ala ä, ərə ə̂në ä shêkɔ ʉrrr ə gôro də kəna ä gâ ye kɔ, kə də̂ Əpʉ ə̂në ə sə kə za sorô kə əzü kɔ.

3Ərə ə̂në ä wû ə djî əpʉ nə gâ ye kɔ, də̂ ä sə kə mʉ əpʉ nə kə e ndje, kanika a də a-e ndje sə də əpʉ lɔsu kʉ bale. Kandää, əpʉ lɔsu nə ə̂në a sə də nə kʉ bale kɔ, a sə də nə də Abä gâ ndə Ɨrɨ nə də Jezu Kristə.

7Bale, kədə a sə kə na ana lə ə̂yîəwo, mata ə̂në ətshə də ə̂tə̂ ye, tshə sə lə ə̂yîəwo kɔ, kandää a sə də əpʉ lɔsu nə kʉ bale lə takpa tə̂ əzə̂ gâ ye, â ə̈ndjï Ɨrɨ nə də Jezu sə kə yutu anyaka nə̂ əzə̂ nɔ̂.

3Bale, Âgbɔ̂ Əyïngerə sə tə awombrə tshelə ndəma ye, tshə sə kə gbɔgbɔ lɔsu e ə sə kə bata e â djablo sə sə kə ma ə̈bə̈ ərə tə̂ e bale ne.3.3 Wu Mat 6.13; Zââ 17.5.

8Ä zɨ̂ rəgo nə̂ ə̈bə̈ əzü zɨ̂ tə ambanə ne. Bale, sɔ də tsheləbu sɔ də alɔ, ä wû əyo ə mbrə̂ kosəra ngbatshe ndə kə pa ä sə̂ sə̂ tə kongbɔ pâ ə̈bə̈ əzü bale lə takpa tə̂ e ne.3.8 Wu Awla 20.34; 1Tes 2.9.

17Əmə Palɔ kə ta aəpʉ səke də kəna əmə â bla e kɔ. Äwä kə za kəna əmə gâ pâ angrowô nə̂ əmə nɔ̂ kə sə̂. Äwä kə ta ngrowô nə̂ əmə kə sə̂.

1Əmə, Palɔ gâ ndə Timɔte, tə alayïkosəra nə̂ Jezu Kristə, ä wla ngrowô səye kə azü nɔ̂ ə̂në əndje sə tə azü nə̂ Ndjapä tə̂ äwä Jezu Kristə, ə̂në əndje sə lə gala Flipə kɔ. Ä wla ndje ngrowô nə kə azü ə̂në əndje sə gâ tə̂ kumu Laglizə kɔ gâ ndə adiakrə.

20Lïndə ərə ə̂në mə sə kə ka mbrə nə kɔ, ə̂në mə za lɔsu əmə gâ pâ nə kɔ, gana sə sə kə ngɔ əmə mbrə ə̈bə̈ ərə bale ne. Bale, kpəsəye wala alɔnɔ̂, mə sə sə də awa ne, â wala tə̂ äwä sorô əmə, wala tə̂ äwä kuzu əmə, azü nɔ̂ wu əgerə Kristə nə lə akwa əmə.

27Əpʉ bale, e mbrə̈ tə̂ e ə lï də Ə̂rɔ̂ Əpʉ nə̂ Kristə nə, kanika, alɔ ə̂në mə sə kə na ndə kə wu e, wala ə də̂ mə sə sə je ne, mə dji ndə e ə wusə̂ nə ə pa e ka gbʉ gbʉ gbʉ lə kə sə e də lɔsu bale, â e sə kə mbrə awlra də lɔsu bale mbrə əpʉ lɔsu ə̂në ə ka gâ pâ Ə̂rɔ̂ Əpʉ nə kɔ.

29Koshe nə pâ rə mbrə ə̂në Jezu zâ ama kə afrɔ yîrə̂ nə ndə kə pa tshə wutu lə ye. Afrɔ yîrə̂ nə mâ tə̂ ye ngbatshe. Əndje î kəna ye də ə̈nü ye də ə̂wû kowɔ ndə kə pa tshə sə kpirə̂. Bale, tshə ngɔ̂ tshelə aərə sə̂ nɔ̂, afrɔ yîrə̂ nə gî ətshə ə rô də ətshə gâ lə güsü.

38Koshe nə ə̂në aafrɔ ayirə̂ nə wûtu lə ye gâ ye kɔ yû Jezu nə ə pa tshə katə̂ əne, əne sə pə gâ ngotə̂ ye. Jezu wə̂ra tə̂ ye ə pâ kə ətshə ə pa:

42mbrə ə̂në əgblə yashe nə̂ əne bale ə̂në tshə sə̂ də ə̂ngû mata morofo amanə bishi kɔ sə̂ trö də kuzu.Ə̂në Jezu zâ äwä ndə kə na na ye kɔ, ə̂kpû azü sə̂ kə gbugbru tə̂ əndje ə zâ tə̂ əndje trɔ ətshə.

1Əmə, âgbɔ̂ əzü, mə ta ngrowô səye kə Âgbɔ̂ Yashe ə̂në Ndjapä kê ətshə gâ ye kɔ, ndje kə aneshe nə̂ ye1.1 Yashe ə̂në Ndjapä nə kê ətshə kɔ kə də̂ ə̈bə̈ Laglizə tə̂ ə̈bə̈ ətshe, â aneshe nə̂ ye nə sə tə azü nə̂ Kristə nə. ə̂në mə yində əndje tə djatra əpʉ kɔ. Ə də̂ kʉtə̂ əmə də̂ kə yində əndje kɔ ne, bale azü nɔ̂ ə̂në əndje wusə̂ djatra əpʉ kɔ yində əndje ndje,

5Â ə̂në a ləye, Âgbɔ̂ Yashe, ərə ə̂në mə yu tshuku nə kə əbə kə də̂ a yi tə̂ əzə̂ lə takpa tə̂ əzə̂. Əpʉ ə̂në mə ta ngrowô də nə kə əbə kɔ sə sə tə tafa âgbɔ̂ əpʉ ne, bale ə sə kʉ tə ənə̂ sə̂ ə̂në a sɔ̂tə̂ nə pə tə̂ ama nə gâ ye kɔ.

12Mə sə də aəpʉ ngbatshe ndə kə pa nə kə e lə ngrowô nə, bale mə sə sə də əgo ndə kə ta ə ta də ayɔ ngrowô gâ lə fraka nə ne. Bale, mə wusə̂ nə ə pa mə sə kə na ndə kə wu e, ə pa əpʉ kə e kpə ətshi e, kanika tshelə əzə̂ mɔ tə bandanə.

6Bale, tshə zâ ama kə azü nə ndə kə pa əndje sə gâ tʉ gâ tə̂ ashɔ. Mandânə, tshə kô amapa nə mindû amanə bishi nə ə zâ mərshe kə Ndjapä, ə ngɔ̂ tshelə nə ə kô kə atrawaya nə̂ ye nə ndə kə pa əndje kru tshelə nə tə̂ azü nə, â əndje krû tshelə nə tə̂ ə̂kpû azü nə.

9Azü nə sə̂ mata sake vəna (4 000). Mandânə, Jezu grɔ̂ əndje ndə kə pa əndje gu na ye gâ ndə əndje.

21Bale, Jezu yû əndje ə pa: «E te te pa ə dji tshelə nə ne a?»

15Kristə nə sə tə foto Ndjapä ə̂në əzü bale wu ətshə wu ne kɔ. Tshə sə tə yiya lə aərə nɔ̂ ə̂në Ndjapä mbrə̂ gâ ye kɔ.

24Kpəsəye, lɔsu əmə sə də ə̂rû mbrə əyo ə̂në mə sə kə wu nə mbrə e kɔ. Mbrə ə̂në, lə akwa əmə, mə daka pə kə wu əyo mandâ Kristə nə mbrə Laglizə ə̂në ə sə tə tshekotə̂ ye kɔ.

28Ətshə, Kristə nə, də̂ ä pa əpʉ ye kə azü kɔ. Ä sə kə gbətɔ kakotu azü nɔ̂ ə sə kə yisə̂ ərə kə azü nɔ̂ tə̂ äwä kə wusə̂ âdâ ərə nɔ̂, kanika azü nɔ̂ do tə̂ əndje tə azü ə̂në əndje nê gâ ye lə əpʉ Kristə nə.