Resultados da busca por "fé"

15Bale, afrɔ yîrə̂ nə pâ kə əndje ə pa: «Mə wusə̂ Jezu, ə wusə̂ nə ə pa Palɔ sə tə əde; bale, e-e, e sə tə aəde?»

17Azü tshelə əgɔ Efazə nɔ̂, Ajuwufu də Agrakə wûsə̂ əpʉ sə̂ gâ ye. Âgbɔ̂ awa zâ əndje nɔ̂ â azü mbê əɨrɨ Âgbɔ̂ Əyïngerə Jezu.

26Bale, e wu ə dji ərə ə̂në ə wutu kɔ: Palɔ səye pâ kə azü ə pa andjapä ə̂në azü ə gamba əndje də kəna əndje kɔ sə sə tə andjapä ne. Tshə pâ əpʉ â əpʉ nə zâ lɔsu azü nɔ̂, ə də̂ kʉ lə Efazə koye də̂ ne, bale ndje, lə ashɔ Azi mata nɔ̂, â azü nə tshî äwä andjapä səkɔ tʉ mbrə əpʉ səkɔ.

10Jezu kîrə əpʉ kə ətshə ə pa: «Bə sə tə âgbɔ̂ awoyisə̂ ərə ə̂në azü wûsə̂ zə lə əgɔ Isərayalə, â bə wusə̂ ərə səye wu ne a?

23Zââ ndje sə̂ kə za batamo kə azü mâ Enɔ, trö də tshelagɔ Salimə, mbrə ə̂në ə̂ngû sə̂ kôto ngbatshe. Azü nâ gâ tə̂ ye â tshə sə̂ kə za batamo kə əndje.

29Əzü ə̂në yashe ə̂në əndje tô ətshə kɔ sə mâ ndə ye kɔ də̂ äkɔ̈ yashe nə. Bale, gbɔbəngâ äkɔ̈ yashe nə ə̂në tshə ka gâ ngotə̂ ye ə sə kə dji ətshə kɔ, tshə sə də âgbɔ̂ ə̂rû tə̂ lɔsu ye ndə kə dji tshema äkɔ̈ yashe nə; marä tə̂ ə̂rû rə kə sə tə ə̂rû ə̂në mə sə də nə kɔ â ə lï nɔ̂.

10Bale, mə yində kə yisə̂ nə kə e ə pa Əgblə nə̂ Əzü sə də awlra pâ ashɔ səye ndə kə gba tshelə anyaka.» Bale, Jezu pâ kə wurtʉ nə ə pa:

14Alɔ ə̂në tshə sə̂ kə ro na na ye kɔ, tshə wû Levi ɨrɨ Alfe, ə̂në tshə sə̂ gâ tʉ gâ ə̂sə̂ kosəra nə̂ ye tə aworɔ ngendja lapɔ kɔ. Jezu pâ kə ətshə ə pa: «Zä äwä əmə!» Levi nə âfɔ â zâ äwä ye.

20Bale, ə̈bə̈ alɔ sə je ə̂në əndje sə kə za äkɔ̈ yashe nə ndə kə ro də ətshə. Tə̂ alɔ nə səkɔ də̂ azü nə lï ndə kə ru tshelə əndje tə̂ rəgo nə.

35Jezu ngâ kə afrɔ yîrə̂ nə ə pâ: «Sə̈ ngboo ə wütu lə koshe səye!» Afrɔ yîrə̂ nə wlî koshe səkɔ gâ tə̂ ashɔ lə ala azü nɔ̂ ə wûtu lə ye ə mâ ə̈bə̈ ərə mâ tə̂ ye bale ne.

39Jezu têrə gâ pâ ye ə ngâ kə rəka nə, â rəka nə kâtə̂ ye. Yashe nə âfɔ trale ə vɔ̂tə̂ kə ko rəgo ndə kə pa əndje zɨ.

40Də lɔkədɨ nə, azü kô alayïdongo arəka nɔ̂ ə̂në əndje sə̂ lə aanda nə̂ əndje kɔ ə nâ də əndje kə Jezu nə. Tshə zâ kəna ye gâ pâ əndje bale bale â arəka nə̂ əndje nə nglɔ̂.

6Kədə ə̈bə̈ yashe kə i ərə i gâ tə̂ kumu ye ne, bale tshə wä sukumu ye nə gâ ye. Bale, â sə tə ərə gana ndə kə pa yashe wa sukumu ye, wala əndje lʉ sukumu ye nə, tshə ï ərə gâ tə kumu ye.

17Ə̂në mə sə kə za ama kə e də əpʉ səye kɔ, mə sə sə kə tra e ne. Mbrə ə̂në, alɔ ə̂në e ngbo tə̂ e lə aangbɔ, aangbɔ nə̂ e nə ma ə̂rɔ̂ nə ma kə e ne, bale ə ma də əmbrʉ nə kə e.

34Kədə əgo kə mi ə̈bə̈ əzü, tshə zɨ̈ rəgo mâ lə anda mâ ndə ye, kanika e za əpʉ za gu nə gâ lə kumu e alɔ ə̂në e ngbo tə̂ e gâ tə̂ nə ne. Alɔ ə̂në mə â yi kumu əmə mâ je, mə wu əpʉ gâ pâ ə̂dû aəpʉ nə je.

9Ə̈bə̈ koshe, ə̂në əɨrɨ ye kə də̂ Shemɔ kɔ, sə̂ je lə gala nə əlînə. Tshə sə̂ tə əyïkifi â kumu azü əgɔ Samari nə kpê pa əndu əndje mbrə aərə ə̂në tshə mbrə kɔ. Tshə pâ əne sə̂ tə ə̈bə̈ âgbɔ̂ əzü

13Shemɔ nə də ə̂tə̂ ye ndje yîndə əpʉ nə də lɔsu ye, â mandânə ə̂në tshə zâ batamo gâ ye kɔ, tshə dâka pə kʉ gâ ngotə̂ Flipə nə. Tshə wû aərə ə̈lü də aərə kə za awa gâ lə azü ə̂në Flipə nə ə mbrə kɔ â kumu ye kpê pâ əndu ye.

16Mbrə ə̂në Âgbɔ̂ Yîrə̂ nə tê tê pa ə jerə gâ pâ ə̈bə̈ əzü bale lə takpa tə̂ əndje ne. Əndje zâ kʉtə̂ batamo də əɨrɨ Âgbɔ̂ Əyïngerə Jezu.

4Jezu kîrə əpʉ kə əndje ə pa: «Ala e në ka ə̈bə̈ əzü bale frɔ e frɔ ne!

23«Bale, kədə ə̈bə̈ əzü kə pa kə e ə pa: "Kristə nə sə mâtəye" wala "Tshə sə mâ koye", e yï yïndə əpʉ nə̂ ye nə ne.

24Mbrə ə̂në aafrɔ akristə də aafrɔ aawopandəma Ndjapä sə kə yi kumu əndje. Əndje sə kə ma aâgbɔ̂ aərə ə̈lü də aərə ə̂në ə za awa gâ lə azü je kɔ ndə kə pa əndje frɔ azü, äwä nə â sə je, əndje frɔ ndje azü ə̂në Ndjapä kê əndje gâ ye kɔ.

4Ə̂në alɔ sə pə kə tɔ nə kɔ, ə lï ndə kə pa a ma kosəra nə̂ ətshə ə̂në tshə wlâ əmə kɔ. Ətshe ndô trö ndə kə bu nə gâ ye, ə̂në əzü bale lï lï ndə kə ma ə̈bə̈ kosəra bale ne kɔ.

22Alabä nə pâ əpʉ rə mbrə ə̂në awa amakɔndji nə̂ Ajuwufu nə mbrə̂ əndje ə mbrə̂. Mbrə ə̂në amakɔndji nə̂ Ajuwufu nə djî tə̂ əndje gâ ye ə pa kədə ə̈bə̈ əzü kə pa Jezu sə tə Kristə nə, əndje sə kə grɔ ətshə lə anda aangbɔ.

38Bale, koshe nə pâ: «Âgbɔ̂ Əyïngerə, mə yində nə də lɔsu əmə gâ ye.» Â tshə zâ kumu ye su ashɔ gâ ətshi Jezu nə.

13Jezu pâ kə əndje kwatə̂ye ə pa: «E dji tshelə âdâ əpʉ kəwû nə dji ne a? E sə kə dji tshelə ə̂dû aəpʉ kəwû nə nɔ̂ atâ a?

19bale, əndje li tshelə əndje tə bandanə gâ pâ kə sə əndje. Aərə tshepashɔ səye frɔ əndje, əgo aərə nɔ̂ mi əndje. Aərə səkɔ nɔ̂ mbrə â kânga äwä tə̂ əpʉ nə ndə kə pa ə le.

36Mandânə ə̂në əndje kâtə̂ ə̂kpû azü nə tʉ gâ ye kɔ, atrawaya nə rô də Jezu də əgerə âgbâ ə̂në tshə sə̂ pə lə nə kɔ. Alabə̈ əgbro aâgbâ nə sə̂ ndje gâ ngotə̂ ye.

3Bale ne! Mə pa kə e: bale, kədə e tshi äwä angbrɔ kə mbrə tə̂ e tshi tʉ ne, e sə kə tshu nə nɔ̂ mata əndje.

5Bale ne! Mə pa kə e: kədə e tshi äwä angbrɔ kə mbrə tə̂ e tshi tʉ ne, e sə kə tshu nɔ̂ mata əndje!»

6Mandânə, Jezu pâ əpʉ kəwû səye kə əndje ə pa: «Ə̈bə̈ əzü lû ə̈bə̈ ayɔ figə gâ lə kəndɨ nə̂ ye. Ndə ə̈bə̈ alɔ, tshə nâ ndə kə kɔ leyɔ nə, bale, tshə sɔ̂tə̂ nə sɔ̂ ne.

15Mâ je, ä nâ la ə̂ngû, tshekra, ä yî kumu ä trö də dala əgɔ Kiɔ. Tshekra, ä yî kumu ä mâ Samɔsə â əlo bale mandânə, ä yî kumu ä mâ Mile.

16Bale, Palɔ nə zâ ama ndə kə pa əne ka ka mâ Efazə ne, mbrə ə̂në tshə yîndə nə yi ə pa əlo ro əne mâ Azi yera ambanə ne. Tshə yîndə kə na katshä mâ Jeruzalamə, äwä nə â sə je, tə̂ əlo Patekɔtə.

24Bale, mə wu sorô əmə wu də ə̈bə̈ ərə lə ala əmə bale ne. Ərə ə̂në ə sə tə âgbɔ̂ ərə lə ala əmə bale kə də̂ ə pa mə mbrə kosəra nə̂ əmə ʉrrr ndjɔ gâ tə̂ ama nə ə mbrə ərə ə̂në Âgbɔ̂ Əyïngerə Jezu yîsə̂ nə kə əmə ndə kə pa mə mbrə nə kɔ: mə mʉ Ə̂rɔ̂ Əpʉ gâ pâ ə̂rɔ̂tə̂ Ndjapä kə azü.

10E kö kö ngbede mbrə ana nə ne, e kö kö ləba bishi ne, e kö kö tama wala tshɔngblɔ ne. Mbrə ə̂në əyïkosəra lï ndə kə pa tshə sɔtə̂ rəgo ama ye.

22Tshelə azü nɔ̂ sə kə wəra tə̂ əndje tə̂ e mbrə əmə. Bale, əzü ə̂në tshə gbɔgbɔ tə̂ ye lə aərə səkɔ ʉrrr ndjɔ gâ tə̂ amanə, Ndjapä sə kə she ətshə lə kuzu.

29Əndje ka alayandjera ka bishi ə̂lê mea bale ne a? Bale, kədə Abä e kə yində nə yi ne, ə̈bə̈ nə bale sə sə kə tshu nə ne.

25Əndje yû ətshə də əpʉ ə pa: «Rəkɔ, bə sə kə za batamo kə azü mbrə yekɔ, kədə bə sə sə tə Kristə nə, wala tə Eli nə, wala tə Awopandəma Ndjapä nə ne kɔ?»

43Tshe nə krâ, Jezu yîndə kə na mâ lə ashɔ əgɔ Galile, ə tê Flipə ə pâ kə ətshə ə pa: «Zä äwä əmə.»

50Jezu kîrə əpʉ kə ətshə ə pa: «Mbrə ə̂në mə pâ kə əbə ə pa mə wû əbə tshekudu ayɔ figə kɔ, də̂ bə yində nə də lɔsu zə kɔ a? Bə wu alabə̈ aâgbɔ̂ aərə ngbatshe ə̂në ə sə kə ro ənə̂ səye kɔ kwatə̂zə je!»

6Əndje ka alayandjera ka mindû ə̂lê mea bishi ne a? Bale, ə̂sə̂ ə̈bə̈ nə kpiabale djerə Ndjapä djerə bale ne.

21Jezu pâ kwatə̂ye ə pa: «Ərə rəke kə sə kə wutu gâ tə̂ əzü ə̂në tshə ngbo aərə tshepashɔ səye gâ tə̂ nə kʉ mbrə ətshə də ə̂tə̂ ye, bale ə sə sə tə awosə də aərə lə ala Ndjapä ne kɔ.»

30Azü tshepashɔ səye ə̂në əndje wusə̂ Ndjapä wu ne kɔ kə pra äwä aərə sə̂ nɔ̂ kɔ. Bale, ənə̂ e, Abä e wusə̂ nə ə pa e sə də əgo aərə səkɔ ndje.

16Jezu kwâtə̂ye ə pâ: «Rəkɔ, azü tshe mandânə sə kə sə tə azü tshitshinə â azü tshitshinə sə kə sə tə azü tshe mandânə.»

32Jezu kâ ə ê əndje ə pâ: «E yində nə ə pa mə ma yekɔ kə e?»

34Əyo əndje mâ Jezu nə â tshə gôro ala əndje nə. Trale, ala əndje sɔ̂ â əndje zâ äwä ye.

27Bale, Barənabasə zâ ətshə gâ ngotə̂ ye ə nâ də ətshə gâ tə̂ azü-awla nə. Tshə pâ ndəma äwä ə̂në Sɔlə nə wû Âgbɔ̂ Əyïngerə ə̂në tshə pâ əpʉ kə ətshə lə äwä kɔ kə əndje. Tshə pâ ndje ndəma äwä ə̂në Sɔlə nə pâ əpʉ orâ orâ də əɨrɨ Jezu mâ Damasə kɔ kə əndje.

29Tshə pâ əpʉ ə shêra ndje ashera də Ajuwufu ə̂në əndje pa ama grakə kɔ. Bale, əndje prâ äwä ndə kə pa əndje wo ətshə.

33Mâ je, tshə tê ə̈bə̈ koshe ə̂në əɨrɨ ye kə də̂ Ene kɔ. Alabə̈ aərə tshekotə̂ koshe səkɔ tshû gâ ye â tshə shô ə shô kʉ gâ pâ klʉngbʉ lə ə̂ngû mindû amanə vəta.

4E däka pə lə əmə, mata ə̂në mə sə lə e kɔ. Yana ayɔ vinyə lï lï ndə kə le nə də ə̂tə̂ ye ne, kədə ə da daka pə tə ayɔ nə ne, äwä bale ndje, e-e, e lï lï ndə kə le nə ne, kədə e da daka pə lə əmə ne.

19Kədə e sə̂ kəmə tə azü tshepashɔ nə, tshepashɔ nə sə̂ kə yi kəmə ndə e mbrə ə̂në e sə̂ tə ənə̂ tshepashɔ nə. Bale, mbrə ə̂në, e sə sə tə azü tshepashɔ nə ne, ə̂në mə kê e lə takpa tə̂ azü tshepashɔ nə gâ ye kɔ, mbrə nə, tshelə azü tshepashɔ nə sə kə wəra tə̂ əndje tə̂ e.

22Kədə mə nâ kəmə nâ ne â pâ kəmə əpʉ pâ kə əndje ne, nyaka sə̂ sə̂ kə sə kəmə lə kumu əndje ne. Bale, kpəsəye, əndje sə sə də ə̈bə̈ əpʉ kə pa nə mbrə nyaka nə̂ əndje nə ne.

47Ə̂në Jezu sə̂ pə kə pa əpʉ kɔ, ə̂kpû azü nə wûtu gâ tə̂ ye. Ə̈bə̈ əzü-awla bale lə takpa tə̂ əndje morofo amanə bishi nə, ə̂në əɨrɨ ye kə də̂ Judasə kɔ sə̂ gâ ətshi ə̂kpû azü nə. Tshə nâ trö də Jezu ə ɔ̂ ama ye.

54Mandânə ə̂në əndje têgbɔ Jezu gâ ye kɔ, əndje gû də ətshə ə nâ də ətshə mâ lə anda nə̂ âgbɔ̂ awotokrɔ. Piarə nə sə̂ ngrʉ̂ ə sə̂ kə za äwä əndje.

66Alɔ ə̂në ətshe nə krâ gâ ye kɔ, aâgbɔ̂ azü nə̂ Ajuwufu də aâgbɔ̂ azü nə̂ aawotokrɔ gâ ndə aawoyisə̂ âgbɔ̂ əpʉ nə̂ Mayïzə ngbô tə̂ əndje gâ tə̂ nə. Əndje pâ əndje na də Jezu nə gâ ətshi aangbɔ ngbanga nə̂ alane.

14Əyo gâ pâ e, aawoyisə̂ âgbɔ̂ əpʉ nə̂ Mayïzə də Afariza, alayïama bishi! E sə kə ko aərə tshelə aanda nə̂ ayashe koya nɔ̂, â kwatəndje, e â sə kə yu Ndjapä, e yu Ndjapä nə ʉrrr əndʉ nə dɨ ndə kə pa azü wu e. Mbrə aərə səkɔ, Ndjapä sə kə wa ngbanga gâ pâ e rô pâ nə.]23.14 Əpʉ səke sə sə lə alabə̈ aangbrɔ afraka Ndjapä də ama grakə ne.

25«Əyo gâ pâ e, aawoyisə̂ âgbɔ̂ əpʉ də Afariza, alayïama bishi! E sə kə yutu tshepa kopo də sambe, bale, tshelə kopo nə də sambe nə sû də aərə angba də əgo aəmbrʉ aərə gâ ye.

26Əbə Fariza, əyïbula! Yütu tshelə kopo nə də sambe nə angbʉlînə gâ ye kane ka tshepa nə ndje sə mvo.

6Azü nə kâ ə kâ ə pa də kəna ye nə ə merə je wala tshə te ə tshu katshä katshä səye je. Bale, alɔ ə̂në əndje kâ ʉrrr tro gâ ye ə wû ə pa ə̈bə̈ ərə mâ tə̂ ye mâ bale ne kɔ, əndje dô tshelə ama əndje kpî ə pâ tshə sə tə ə̈bə̈ ndjapä.

13Ä âfɔ kôto ə zâ kʉtə̂ tshe tə̂ ama ə̂ngû nə ə yî kumu ä mâ Rejiɔ. Tshekra, əyi tshepakɔnɔ âfɔ â lə əlo bishi, ä yî kumu ä mâ Puzɔlə.

14Mâ je, ä sɔ̂tə̂ alaye ə̂në əndje kɨ̂ kə ä ə pa ä də alane daka pə kôto əlo mindû amanə bishi gâ ye kane. Rə də̂ ä nâ na ye mâ Rɔmə kɔ.