14 Bale, əndje sə kə e ətshe nə kə ətshə atâ ə̂në əndje za lɔsu əndje za kə ətshə ne kɔ? Â əndje sə kə za lɔsu əndje nə kə ətshə atâ ə̂në əndje dji əpʉ gâ pâ ye dji ne kɔ? Â əndje sə kə dji əpʉ nə gâ pâ ye atâ ə̂në ə̈bə̈ əzü bale mʉ əpʉ nə mʉ ne kɔ? 15 Â əzü sə kə mʉ əpʉ nə atâ kədə əndje wla azü wla ndə kə mʉ əpʉ nə ne? Mata ə̂në Fraka nə̂ Ndjapä nə pa: «Ə̈nü aawomʉ Ə̂rɔ̂ Əpʉ fʉ ə fʉ.»*10.15 Wu Eza 52.7. 16 Bale, ə də̂ azü nɔ̂ də̂ kə yində Ə̂rɔ̂ Əpʉ nə kɔ ne. Mbrə ə̂në Ezayi pâ əpʉ ə pa: «Âgbɔ̂ Əyïngerə, əde kə yində əpʉ nə ə̂në ä mʉ kɔ də lɔsu ye?»*10.16 Wu Eza 53.1. 17 Rəkɔ, əpʉ lɔsu nə to tə̂ əpʉ ə̂në əzü ə dji kɔ â əpʉ nə ə̂në əzü nə ə dji kɔ sə tə əpʉ nə̂ Kristə nə.