Rɔmə 13

A djï əpʉ ama əgbro azü əgɔ

1 Azü nɔ̂ djï əpʉ ama əgbro azü əgɔ, mbrə ə̂në əpʉ ngerə nɔ̂ to mâ ndə Ndjapä â wutu, â əgbro azü əgɔ nɔ̂, Ndjapä kə kô əndje tə alayïngerə kɔ. 2 Âdârə ə̂në əzü ə̂në tshə wəra tə̂ ye ndə kə pa tshə dji əpʉ ama əgbro azü əgɔ, tshə wəra tə̂ ye tə̂ ərə ə̂në Ndjapä mbrə̂ də äwänə kɔ gâ ye. Â azü ə̂në əndje sə kə wəra tə̂ əndje tə̂ əgbro azü nə kɔ, əndje sə kə e ngbanga gâ pâ əndje də ə̂tə̂ əndje. 3 Ə də̂ mbrə ə̂rɔ̂ kə mbrə ərə də̂ awa əgbro azü əgɔ ə mbrə azü ne; bale mbrə əmbrʉ kə mbrə ərə də̂ awa əndje sə kə mbrə azü. Bə yində nə ə pa rawa əgbro azü əgɔ mbrə əbə mbrə ne a? Mbrə ə̂rɔ̂ ərə, əgbro azü əgɔ nə sə kə yində ə̂rɔ̂ ərə nə ə̂në bə mbrə kɔ. 4 Əgbro azü əgɔ sə tə alayïkosəra nə̂ Ndjapä ndə kə pa əndje yisə̂ äwä ə̂rɔ̂ ərə kə əbə. Bale, kədə bə mbrə əmbrʉ ərə, awa mbrə̈ əbə. Mbrə ə̂në ə də̂ tə ambanə də̂ əndje wa ngbanga kɔ ne. Əndje sə tə alayïkosəra nə̂ Ndjapä nə ndə kə pa əndje yisə̂ əkɔ nə̂ Ndjapä nə gashu ə wa ngbanga gâ pâ əzü ə̂në tshə sə kə mbrə əmbrʉ ərə kɔ. 5 Rəkɔ, ə lï ndə kə pa əzü dji əpʉ ama əgbro azü əgɔ, ə də̂ kʉ mbrə awa ngbanga nə də̂ ne, bale mbrə ə̂në, lə akrɔ əzü ə sə ndje tə ərə ə̂në ə sə də äwänə.

6 Mbrə nə ndje də̂ e piyi lapɔ kɔ. Mbrə ə̂në aaworɔ ngendja lapɔ nə sə tə alayïkosəra nə̂ Ndjapä, alɔ ə̂në əndje sə kə mbrə kosəra nə kɔ. 7 E kö aərə ə̂në ə lï ndə kə pa e ko kə azü kɔ, kə azü nə: e pïyi lapɔ kə alayïlapɔ nə, ə pïyi ngendja alabə̈ aərə kə piyi nə kə alayïnga nə, ə kpë rawa azü ə̂në e lï ndə kə pa e kpe rawa əndje kɔ, ə lʉ̈ azü ə̂në e lï ndə kə pa e lʉ əndje kɔ.