1 Rəkɔ, kpəsəye əpʉ ngbanga sə sə kwatə̂ye lə kumu azü ə̂në əndje tɔ̂ popo Jezu Kristə gâ ye kɔ ne. 2 Mbrə ə̂në âgbɔ̂ əpʉ nə̂ Âgbɔ̂ Yîrə̂, ə̂në ə za sorô kə azü tə̂ äwä Jezu Kristə kɔ, djɔ̂ əbə*8.2 Djɔ̂ əbə: Kôto, lə alabə̈ afraka, əndje tâ ə pa: «djɔ̂ əmə». lə âgbɔ̂ əpʉ nyaka də kuzu gâ ye. 3 Ndjapä mbrə̂ ərə ə̂në âgbɔ̂ əpʉ nə̂ Mayïzə lï lï ndə kə mbrə nə ne kɔ gâ ye, mbrə ə̂në kə mɔ əzü kânga äwä tə̂ âgbɔ̂ əpʉ nə ndə kə mbrə nə: bale Ndjapä nə wlâ Ɨrɨ nə də ə̂tə̂ ye lə akwa əzü ə̂në ə sə mata akwa alayïnyaka kɔ ndə kə pa tshə djɔ əndje lə nyaka nə. Kôto səkɔ, Ndjapä nə wâ ngbanga gâ pâ nyaka nə ə̂në ə mbrə kosəra lə akwa azü nə kɔ gâ ye. 4 Ndjapä nə mbrə̂ ərə səkɔ ndə kə pa a mbrə tə̂ əzə̂ Lïndə̂ kə ma ərə də äwänə ə̂në âgbɔ̂ əpʉ nə zâ ama də nə gâ ye kɔ, əzə̂ ə̂në a mbrə tə̂ əzə̂ mbrə mandânə səye Lïndə̂ lɔsu əzə̂ ne kɔ, bale â sə kə mbrə tə̂ əzə̂ Lïndə̂ ndəma Âgbɔ̂ Yîrə̂ kɔ.