MALUKO 7

9 Yesu ngayendelya baya, "Mwenga mubile na ndi’la inannoga yo kana kamwa amuli ya Nnu’ngu' li’nga mupate kamwa mimu yinu. 10 Mwanjaa Musa aabaite, ‘Waisimu tati' bako na mau' bako,’ na, ‘Ywoywoti ywaatukana tati' bake au mau' bake apalikwa bulagilwa.’ 11 Lakini mwenga mubaya panga mundu abe na kili’be sa kwayangatia abelei bake, lakini mana ammakiye panga kili’be si’lu' sa ‘Kobane’, (lombolya kipiyilwe panga salaka mbeleteu kwa Nnu’ngu'), 12 bai apalikwali kai' kwayangatia abelei bake. 13 Kwo panga nyo, ngapamulisalawa liyi’gi’yo lya Nnu’ngu' kwa kitumbu sa mimu yamupokile. Kai' mupanga makowe maingi gagalandana na ga."