27 Yesus naalongwa yaye oya fika muYelusalema. Mhanga Yesus a li ta ende moluumbo lwEumbo lyaKalunga, aawiliki yaayambi, aalongimhango naakulunhu yoshiwana oye ya kuye, 28 ndele ta ye mu pula, "Ayihe mbi oho yi longo nepangelo lipi? Olye e ku pa eenghono nepangelo lyokuninga oinima ya fa mha?"
29 Yesus okwe ya yamukula a ti, "Naame andi mu pula epulo limwe. Nge omwa yamukulange, nena naame andi mu lombwele kutya okepangelo lyalye andi longo oinima ayihe mbi. 30 Lombweleni nge, eshasho lya Yohanesa olya za peni, oku Kalunga nenge omaanhu?"
31 Oya tameke oku pulafana, "Natu tyeni ngeepi? Nge otwa ti, ‘Oku Kalunga,’ otaka tya, ‘Omolwashike hano inamu itaela Yohanesa?’ 32 Ndele natango ihatu vulu kutya, ‘Olya za maanhu.’ Oya li ya tila aanhu, shaanhyi aanhu ayehe oya li ya tala Yohanesa kutya oye omuhunganeki. 33 Oya yamukula Yesus ya ti, "Katu shi shii."
Yesus okwa ti kuyo, "Naame ihandi mu lombwele kutya, okepangelo lyalye andi longo ayihe mbi."