Marcos 4

Yesus ta kanghameke oshikungulu

35 Ongulohi yesiku ndyo, Yesus okwa ti kaalongwa yaye, "Tu taulukeni tuyeni kombiga onghwawo yefuta." 36 Oya fiipo ongudu yaanhu, ndele aalongwa oya londa mokawato mu Yesus a li omutumba, ndele taa yi pamwe naye. Mha ya li, opwa li ouwato umwe ali. 37 Okwa za omhepo onene tayi pepe kombada yomeya, nomakufikufi oya li taye ivege mokawato, nokawato hanga ka uva omeya. 38 Yesus okwa li a nangala kosindo yokawato a kofa, nomutwe waye wu li koshiwilo. Aalongwa oye mu pendula, ndele taa ti, "Mulongi, mboli ku na ko nasha nanhyi tu li po kusa?"

39 Yesus okwa penduka, ndele ta ngada omhepo a ti, "Mwena!" Ta lombwele omakufikufi a ti, "Kanghama!" Omhepo oya mwena, nomakufikufi oya lootela. 40 Yesus okwa ti kaalongwa yaye, "Oshishi hano mwa tila? Kamu na natango eitaelo nani?"

41 Aalongwa oya li ya haluka, yo ya tila neenghono, ndele oya pulafana taa ti, "Omulumenhu ngu oye olye naana? Nomhepo nomakufikufi tayi vulika kuye!"