34 Yesus okwa ifana ongudu yaanhu pamwe naalongwa yaye, ye uye kuye, ndele ta ti kuyo, "Nge opu na ngu a hala okulandula nge, ne ivibwe ye mwene, na hinde omushiyakano waye, ndee ta landula nge. 35 Oshonhyi ngu a hala oku hupifa omwenyo waye, ote ke wu kanifa, ndele ngu ta kanifa omwenyo waye molwange nomolwonghundana oiwa, ote wu hupifa. 36 Ashi kwafa shike, omunhu nande ne ilikolele ouyuni auhe, ndele ta kanifa omwenyo waye! 37 Omunhu ota vulu oku yandja shi shi ninge ekulilo lyomwenyo waye? 38 Nge opu na ngu ta si nge ohoni neehapu vage mokati kepipi ndi lyaahondeli nolyaalunde, nena Omonamati wOmunhu ote ke mu sa ohoni, nhyi te ke ya e li meyavimo lyaHe pamwe naayengeli aayapuki."