6 So gēn wo vap so gēn nuqultiwag galsi mi Ḡod, ba gēn wo vanvan lapgetō lemlēglēg en, tō gēn galgal ēwē, ba et damdam te nēhēyhēywē. 7 Ba gēn wo vanvan lemyeyen, qeleso Ḡod notog lemyeyen, tō gēn tuqultiwag galsi vēh, wa tō naday non Tigsas a Ēntēn Ḡod toh yak negengenyeg del nongēn.
8 Gēn wo vap so tateh bug mi gēn en, tō gēn galgal lok ēwē gēn, wa tō nēhēyhēywē tateh mi gēn. 9 Ba gēn wo mōl bug en, kē tēdēmveteg nimgungēn wa toh yak nubug del den gēn, veg kē netnenen wa kē taktig navatvat nonon so nidēm veteg nimgungēn del.