6 Mɛ̃ ekam bibi me ndɔɔ yi etiɔ byɛ Nziã eboo tswa-a-tswa m’onɔɔn o nsia yi ngesɛ nkyam. Ndɛ wu áti byɛ mbel me nyiĩ a Mãsia. 7 Ke yam, nsia yi ngesɛ nkyam k’eli wɛ, eli kɛn a ye baal b’alɔ byɛ ɛ̃tsab bvool adzii k’abiil Nsia yi Ngesɛ yi Mãsia. 8 Kɛn a ŋɛn mbuul otee byɛ nsia yi ngesɛ yi ekam ye yi étee bee byɛ, ekal bee myam, ekal ãnzwel ngamɔ̃ m’ãfi ywel, yɔɔl kwɛn adza mbuul ondɛ wuo ãnzwel omɔ̃ mpaan! 9 Bee tsɔɔn emeeyɛɛn yɔ, mɛ̃ bvool eyɛɛn yɔ meba ŋã wɛn, ŋɛn mbuul ngɔmɔ̃ otee byɛ nsia yi ngesɛ yi ekam ye yi éyɔɔ byɛ, yɔɔl kwɛn adza ndɛ mpaan!