Mateus 1

20 Ŋ’éketsam ndɛ obobɔ, ãnzwel ã Mfam Nziã ãpal ola ndɛ m’ɔ̃tswɛ a twal, ãlieel ndɛ ndiri: «Dzodzef, ɔ̃tiɔɔl a David, oyɛɛ ke bal k’abaal Mali wɛ. Ke ngwel wɛ, waan li Ɔ̃fel wu Ɔ̃nsensal li esi kwɛn ndɛ abva yam olɔ. 21 Ndɛ àburu muaan wu bɔɔl wu èloo yɛ me Yeso. Ke ngwel wɛ, ndɛ kieel wu apaal baal a ndɛ onse ãbi ã bɔ.»

22 Ãndɔɔ omɔ̃ mam mbueel ãbwel m’emfa okyɛ, me ndɔɔ yi asa m’élieel Mfam m’ɔ̃nywã wu ɔ̃liaal-ɛ̃kiɛɛn a ndɛ ndiri: 23 «Tal, nsam a ɔ̃kaal ngɔmɔ̃ wɛn k’ayɛɛ abɔɔl wɛ akieel abva yam. Ndɛ akieel aburu muaan wu bɔɔl wu akieel ata m’Emanuɛɛn, ŋ’ayɛɛn ndiri: "Nziã oli ye bia-byɛ✝1.23 Edz 7.14; 8.8,10."» 24 Ŋ’esiool Dzodzef, ndɛ osi b’etam ãnzwel ã Mfam ndɛ osa: Ndɛ owel ɔ̃kal a ndɛ Mali oyekal ye ndɛ. 25 Kɛn a ndɛ k’abvool ntal ye Mali wɛ tiil ye k’eburu ndɛ muaan wu bɔɔl. Dzodzef oloo ndɛ me Yeso.