MATIE 16

Lebviil li Afalisaye y’asaduseyɛ̃

5 Ŋ’ékebwel ayio ongwel a baã, bɔ adzɛɛn k’abiri amampa. 6 Yeso olieel bɔ ndiri: «Esa ãyal bvool ekal y’onkyab me lebviil li Afalisaye ye li Asaduseyɛ̃!». 7 Ayio abvi otsam bvool abvi oyɛɛn bam-a-bam bubu: «Ki eyɛɛn ndɛ obobɔ, me ndɔɔ yɛn bia-byɛ k’ebiri amampa wɛ.» 8 Yeso oyɛɛ ãtsam ã bɔ, bu alieel bɔ ndiri: «Otsɛn omã b’etsam byɛ bvool eyɛɛn wɛn, byɛ k’ebiri amampa wɛ? Baal b’okiool otsi-tsiri! 9 Byɛ k’ekwaal otsɛn kɛn wɛ! Eyeel ndɔɔ a amampa ataan b’ákab baal amiil ataan (5.000). Me tsoo olɔ, byɛ etsaka kwɛ ébiri? 10 Eyeel ndɔɔ a amampa nsiaan b’ákab baal amiil anã (4.000). Me tsoo olɔ, byɛ etsaka kwɛ ébiri? 11 Emfa emã kyɛn byɛ k’ekwaal otsɛn wɛ wɛn, mɛ̃ ke ndɔɔ amampa ngyɛɛn wɛ, ŋe ndieel mɛ̃ byɛ wɛn: Esa ãyal bvool ekal y’onkyab me lebviil li Afalisaye y’asaduseyɛ̃?»

12 Obobɔ, ayio abɔɔ otsɛn ndiri, Yeso k’alieel bɔ k’akal y’onkyab me lebviil li ebiin amampa wɛ, me ndɔɔ ãndɔɔ m’ebeyiool Afalisaye y’asaduseyɛ̃.