Provérbios 4

ଗିଆନ୍‌ନି ଉପ୍‌କାର୍‌

1 ଏ ନା ମାଜ଼଼ିର୍, ଆବାତି ହିକ୍ୟା ୱେନାଟ୍ ଆରି ହାର୍‌ବାବିକିନାକା ଗିୟାନ୍‌ତ ମାନ୍‌ଦିଆନ୍ କିୟାଟ୍ । 2 ଇନେକିଦେଂକି ଆନ୍ ମିଙ୍ଗେଙ୍ଗ୍ ହାର୍ଦି ହିକ୍ୟା ହିଦ୍‌ନାଙ୍ଗା, ନା ଆଦେସ୍ ପିହ୍‌ମାଟ୍ । 3 ଆନ୍ ଜାର୍ ଆବାତି ମାଜ଼଼ି ମାଚାଙ୍ଗ୍, ଆରେ, ଆୟା କାଣ୍‌କୁକାଂ ରୱାଙ୍ଗ୍ ମତର୍ କ୍ଡଗେ ଲାଡ୍‌ରା ମାଚାଙ୍ଗ୍ । 4 ଆବା ନାଙ୍ଗ୍ ହିକ୍ୟା ହିଜ଼଼ି ଇଞ୍ଚାନ୍, "ନି ମାନ୍ତ ନା କାତାସବୁ ଇଟା, ଆରେ ନା ବଲ୍‌ସବୁ ପାଲି କିୟା ହେବେ ଏନେଙ୍ଗ୍ ବାଚାନାୟ୍ 5 ଗିୟାନ୍‌ ଆର୍ଜା ଆଡ, ହାର୍‌ବାବ୍‌ନା ଲାବ୍ କିୟାଟ୍, ହେଦାଂ ବାଣା ଆମାଟ୍‌; ଆରେ, ନା ୱେଇନି ବଚନ୍‌ତାଂ ବିନେ ଆମାଟ୍ । 6 ହେଦାଂ ପିହ୍‌ମାଟ୍; ହେବେ ହେୱାନ୍ ନିଙ୍ଗେଙ୍ଗ୍ ପାଲି କିଦ୍‌ନାନ୍; ତାଙ୍ଗେଙ୍ଗ୍ ଜିଉନୱାଟ୍, ହେବେ ହେୱାନ୍ ନିଙ୍ଗେଙ୍ଗ୍ ରାକ୍ୟା କିଦ୍‌ନାନ୍ ।