3 ✝3:3 यहुदा 18आखाआ पेल, तुमू ओं जांइत ल्या के आखरीइ दिहोमेहें डाणवींइनारे माअहें आवे, तें लालसोम आबजीत जाय, 4 आन ते फुसे, "तियाआ आविलोअ वायदो खोतो पुरो ओवो? काहाके आपाआ डायहां मोइत गोया, पोन धरती बोण्यीहीं तोयोंअ रोत ओंमे जाआं पेल सालेहे तेहेंज कोइत सालू होय." 5 ✝3:5 उत्प 1:6-9काहाके तें जाईं-जाईंज विहीराअतेहे के पेल देवोअ शब्दावाअहीं जुग पेल रोत बोण्युहूं आन धरती बी पाअयोंम रोत आन पाअयोंवाअहीं कोड़ाअयीही. 6 ✝3:6 उत्प 7:11 तिहींज वाईं तोम तिया वाडोमेऱ्यीइ दुन्या पाअयोंमेहें बुडीत आरवात गोयी. 7 पोन ओमेएं जुगेन धरती याहां देवे तियाज शब्दावाअहीं आगीम टाकीइलोअ काजे राखित मिक्येहे, आन एं न्यायनिवाड़ाआ आन विणभक्त्या माअहोंअ काजे तो दिही आवे ताअहूं जाआं एहेंज कोइत राखित मिक्येहे.