इफिस 1

पौलुसोअ प्रार्थना

15 तिहीं वाईं आंय बी प्रभु ईसुपोर्‍युउ तुमाआं विश्वासोअ उनाइत आन देवोअ माहूंपोर्‍यीइ तुमाआं मेर देखीत कोइत, 16 तुमाआं कोअते देवोहो आभार मानीइलोअ नाहां सोड़तू, आन माआं प्रार्थनामेहें तुमुहूं ओर कोअया कोअहो. 17 काहाके आपाअ प्रभु ईसु ख्रिस्ताआ देव जो महिमाआं बाह्हू होय, तुमुहूं तियाआ ओलखातीमेहें बुद्दी आन उजालाअ आत्मा आपे, 18 आन तुमाआं मोनोअ डोआ उजालावाला ओवे के तुमू जाइंत लेअहूं जोवे के तियाआ हादीइलोअ आशा कि होय, आन पवित्र माअहूंमेहें तियाआ वारसाआ महिमाआं धन केतोहो होय, 19 आन जें विश्वास कोअतेहे तियां आपामेहें तियाआ ताकत केतीही वोडी होय, तियाआ ताकतोअ जोर तियाआ कामोअ इसाबोवाअहीं समजीत लेअहूं जोवे, 20 ✝1:20 भजन 110:1तिये तों काम ख्रिस्तामेहें कोअयो के तियाहा मोल्यामेहें रोत जिवाड़ीत कोइत होरगाआ जागामेहें तियाआ हाजाड़्यी वोगेहे बोहाड़्यू. 21 आखी जातीइ राज, आधिकार, ताकत, राज सालाड़नारी ताकत, आन जों नाव फक्त यी धरतीपोअ एतोज नाहां, पोन आवनारा राजोमेहें बी तोंज नाव रोय, तियाहा बादा नावो रोत उसे बोहाड़्यू. 22 आन आक्खोज तियाआ गुडाआ थुड़ी कोई देदो; आन तियाहा आखी वस्तूपोअ मुख्य ठरवीत कोइते मंडड़ीही आपी देदू.✝1:22 भजन 8:6; कलस्से 1:18 23 मंडड़ी ख्रिस्ताआ शरीर होय, आन तियाआज भारपुरी होय, जो आखामेहें आक्खोज पुरो कोअहे.