Efésios 6

विश्वासी माअहोंअ आत्मिक आथ्यारे

10 तियाहाकोत, देवोमेहें आन तियाआ वोडी सेक्तीमेहें मजबुत बोणा. 11 सैतानोअ योजनाआ सामने उबे रोअलोअ काजे देवोअ आथ्यारे बांदीत ल्या. 12 काहाके आपाआ ए लड़ाय रक्ता-माहोंअरी नाहां, पोन राज कोअनारा जुगोमेर्‍याआ खाराब आत्मिक आधिकारीइरी, आज्याआ आंदारामेर्‍याआ दुन्याआ मुख्याअरी, आन जुगोमेऱ्याआं पुतोंअरी होय. 13 तियाहाकोत देवोअ आथ्यारे बांदीत ल्या के तुमू खाराब दिहोमेहें लड़ाय कोइत सेकहा, आन आखो पुरो कोइत वातड़े रोत सेकहा.

14 तियाहा कोत तुमाआं कंबर सत्यावाअही बांदा; सतीपणोअ लोखिंडाआ आंगड़ो पोवित ल्या, 15 आन गुडामेहें शांतीइ हाजी बातमीइं काजे तियारीइ बुटे पोवित ल्या, 16 आन यां आखाअरी विश्वासोअ ढाल आथोम तोआ आन उबे रोवा. यावाअहीं तुमू तियां आखा सैतानोअ पेटाअनारा बिलखाहा उलवित सेकहा. 17 आन तारणोअ टोपू, आत्माआं तारवाआ, जों देवोअ वसन होय तों लेत ल्या.✝6:17 यश 49:2; 59:17; इब्री 4:12 18 केती बी वेले आन केहें कोइत बी आत्मामेहें प्रार्थना, आन रावणी कोअते रोवा, आन आखा सोका माअहुंउं कोअते कायम प्रार्थना कोअते जात जागते रोवा.