14 जेहेलाम तिवारोअ आरदा दिही वितीत गोया; ताहरुउ ईसु मंदिरोम जात कोइत सिकाड़ु वोल्यू. 15 ताहरेए यहुदी बोगलाइत कोइत कोयो, "याहा विण हिक्येज विद्या का रोत आयी?"

16 ईसु तियांहां उत्तर आप्यो, "जों आंय सिकाड़ोहो तों माआं वोलेहे रोत नाहां, पोन तों शिक्शण माहूं मोकलीइनारा देवोअहीं रोत होय. 17 जर एखो देवोअ ईश्शापोअ सालीइलाअ इश्शा कोअतोय, ताहां तो यी हिकवणोअ बाप्तिमेहें जाईंत लेये के ए देवोअहें रोत होय के आंय माआं मोनोअ कोहो. 18 जों सोताआ आधिकारो वाअहीं गोगेहे, तों सोताआ काजे महिमा मेलवुहूं होदेहे; पोन जो तियाहा मोकीलनाराहा महिमा आपुहूं होदेहे, तोज माहुंउं खोरो होये, तियामेहें कोड्लीज खाराबी कायनाहां.