Mateus 17

Yesu ahituka cheni

1 Yekwembokaho misi mtandatu, Yesu akawadoa Petulo na Yakobo na Yohana nduguye akaita nao hadi uwanga ya muima uko nee wawa ikedu. 2 Wekuwaho uko Yesu akahituka cheni hemeso yao. Cheni chakwe kikang’ang’azika inga zuwa na magwanda yakwe yakang’ang’azika inga ung’azi. 3 Naho wada wahina watatu nee wawaona Musa na Eliya wakatamwiiya na Yesu. 4 Aho Petulo akamwamba Yesu, "Zumbe, nivitana sie kuwa hanu! Ukakunda nendanizenge makumbi matatu. Dimwe dako na dimwe da Musa na kitudu cha Eliya."

5 Ekuwaho bado agombeka, zunde dekung’aado dikawagubika, na mgutio ukategeezeka kulawa mwe dia zunde, "Uyu ni Mwanangu nimkundisae, nitamiwae nae, mtegeezeni yee."