LUKA 7

Yesu amuuyula mwana kilume wa mvele abanikilwe ni mgosiwe

11 Eze ajike aho, niyo Yesu hamwenga na wanamp’hina wakwe waita kwo mzi ukwitangwa Naini. Fyo kulu dya want’hu niyo dyawatimila. 12 Weze wabule he nk’hili yo mzi, waduganaga na want’hu wenule mnt’hu abanike, wagenda kumosa msanga. Mbwanga uyo abanike andaga mwana ikedu ywa mvele yumwenga andile kabanikilwa ni mgosiwe, naho want’hu wengi wo mzi uwo nawanda hamwenga naye. 13 Zumbe eze amuone yudya mvele abanikilwe ni mgosiwe, niyo amwonela mbazi, niyo amgamba, "Usekuila." 14 Niyo asogela no kudidosa dijeneza, wadya wadinule niyo wakimala. Yesu niyo agamba, "Mbwanga, nakugamba, inuka!" 15 Yudya mbwanga niyo enuka no kwikala, niyo akonga kulonga. Yesu niyo amwink’hiza kwa nine.

16 Want’hu wose niyo wengilwa ni wogofi, niyo wakonga kumtogola Mnungu no kugamba, "Mlotezi mkulu keza kwetu, naho Mnungu kawakombola want’hu wakwe!"

17 Niyo mbuli za Yesu zagendezwa mwe isi yose ya Uyahudi na mwe ziisi za hagihi.