João 12

यरुसलेमलं येसु राजा मान्टि ओनाव

12 ओपराटि पर्बला राने माहुले मीराई येसु यरुसलेमडे राज़्या वार्ने याठोयो, 13 होकाम मीरं येसुलाई ओमान डाडे ढन्याबाड याडे खजुरलो ओखाररं रैडे किःये-किःये याराव, "होसन्ना! रेङो नो घ्योव प्रभुलो उमिनङाम राःने इस्राएलला राजा!"

14 होकाम टोबो बाभाका माडाहिसिव गडाहा डैडे येसु होटं उपुलुव, ऐटाव सर्सिवले,

15 "सियोनला सहर, टाछेङंन।

गरःङके नराजा गडाहालो ओज़ा

चेब्डे राज़्या।"

16 आव रोः येसुलो उसिसराई ङाःडेके माबुझिरंये। येसुलो ओमहिमा ओटाव पाना आव रोः येसुलो ओबारेलं सर्सिव ची ओलेव, होसोनो आव येःन येसुलो ओलागिटं नोराई याडोव ची वार्ने नोराई याबुझिव।

17 येसुये लाजरसलाई खाडरलाम खुल्डे सिवलाम ज्युङडा ओझैज़्याकं येसुसं लेव माहुले मीराई येसुये कडि-कडि येःन ओडोव हो यहुडीरंकाम उरुका मीरंलाई हैयाडोवरं। 18 येसुये ऐटाव चिन्न डाडेनोयो वार्ने याठोयोये पनि माहुले मीराई येसुलाई डैने यानाव। 19 होकाम फरिसीरं या-याज़ टोबोये छुटंलाई हैयाडोव, "आबो, जेलेवङाम कडिज़ टाने माले। जेरःङज़्या, प्रिठीबीला स्यान्टै मीरं नोलो उझिन्ट यानाडुरं!"